සාරන්‍ය වෙන ලෝකෙක අතරමං උන තරම ගැන කිව්වොත් මිස් කීප වතාවක්ම කතා කරපු එකවත් සාරන්‍යට ඇහුනේ නෑ...
එදා දවසම සාරන්‍ය ගත කරේ පුටුවෙ වාඩි වෙලා වෙන ලෝකෙක කෙනෙක්ව හොයන ගමන්.
" හෙලෝ"
" හෙලෝ , මේ රන්වීර් ද"
" නෑ , රන්වීර් ගේ තාත්තාගේ පුතා"
" අහ් එහෙමද?. රන්වීර් ගෙ තාත්තාගෙ පුතා ඇයි අද ආවෙ නැත්තෙ.?"
" රන්වීර් ගෙ තාත්තාගෙ පුතාට ඇගට පොඩ්ඩක් හරි නෑවගෙ දැනුනා . ඒකයි."
" ඒ මොකෝ එක පාරටම. තාමත් අමාරුද ඇගට."
සාරන්‍ය ගෙදර ගිය ගමන් රන්වීර් ට කතා,කරෙ ඉස්කෝලෙ ආපු නැති හේතුව දැන ගන්නයි.
කොහොම හරි O/L වලට තව මාස දෙකක් වගේ. දැන් කට්ටියම වෙනදාට වඩා වැඩ. හැමදාම ඉස්කෝලේ එනවා.
ඒ එන හැම දවසකම සාරන්‍ය රන්වීර් ව බලාපොරොත්තුවෙන් ඉන්න එක පුරුද්දක් උනේ එයාටවත් නොදැනීමයි. මොනතරම් රන්වීර් ව දකින්න ඕන උනත් පන්තිය ඉස්සරහින් රන්වීර් බලාගෙන යනකොට සාරන්‍ය අහක බලා ගන්නවා.
ඉතින් එහෙමත් දවසක රන්වීර් පන්තිය ඉස්සරහින් යනකොට සාරන්‍ය විතරක් නෙවෙයි පන්තියේ ගොඩක් කෙල්ලොත් රන්වීර් දිහා බැලුවේ එතනින් ඇස් අහකට ගන්න බැරුව.
මොකද ඒ රූපෙ වෙනදට වඩා අමුතුම ලස්සනක් තිබ්බා . ඒ රන්වීර් ගෙ කොන්ඩ විලාසිතාව වෙනස් උන නිසා. එකෙන් රන්වීර් ට තිබ්බෙ ඇස් අහකට ගන්න බැරි ලස්සනක්.
" අපෝ මුගෙ කුකුල් මූන හොදයි කෙල්ලොන්ටම".
සාරන්‍ය තමන්ටම කියාගත්තේ රන්වීර් දිහා ඇසි පිය නොගහා බලන් ඉන්න ගෑල්ලමයින්ටත් ඇස් යවමින්.
" ඒ සාරන්‍ය . පොඩ්ඩක් එලියට වරෙන්"
මොන ලොකු කම තිබ්බත් , ජන්මෙට වඩා පුරුද්ද ලොකු නිසා සාරන්‍ය නැගිටලා ගියේ කියන පමාවට.
" ඇයි "
" ංගි දාලාද ?"
රන්වීර් නිතරම යාලුවොන්ගෙන් අහන සම්ච්චල් ප්‍රශ්නය සාරන්‍ය ගෙන් විහිලුවට ඇහුවා.
YOU ARE READING
අසම්මත පෙම ( BL Story ) Unrequited love
Romance"අන්සතු ඔබ වෙත මගෙ හිත බැඳිලා ඔබ ගැන සෙනෙහස හිත තුල පිරිලා සම්මතයෙන් පිට ප්රෙමෙක වෙලිලා මග හැර යන්නට බැරිලෙස බැඳිලා" මේ කතාව ඔහු අන්සතු වීමට පෙර සිටම පෙම් කළ අයෙකු ගැනයි. ඉතින් අවසරයි මට දිගහැරුමට මෙම කතාව. ( මෙහි ගෙන එන සියලුම නම් ගම් මනඃකල්පිත...
