අසම්මත පෙම ( BL Story ) Unrequited love

28 වන පරිච්ඡේදය

තමන්ගෙ කෙනෙක්ට මේ වගෙ අකරතැබ්බයක් උන වෙලාවක් ඒක දරාගන්න අමාරු යි. ඒකත් තමන් මේ ලෝකේ වැඩියෙන්ම ආදරේ කෙනා උනොත් ඒක දරාගන්න බෑ.

සාරන්‍ය ත් ඒක නොකිව්වට , රන්වීර් ඒ විදින වේදනාව සාරන්‍යට හොදටම දැනුනා. සාරන්‍යට තමන් ආදරෙ කරන කෙනා හුස්ම ගන්නත් සටන් කරන හඩ ඇහෙනකොට , ඒ වේදනාව පිරුන කෙදිරිය ඇහෙනකොට හදවත උනුවෙලාගියේ හදවතේ උනුවෙන්න තවත් තැනක් ඉතිරි නොකර.

" රන්වීර් ඔයාට ගොඩක් අමාරුයි නේද.

අනේ දෙයියනේ ඇයි මෙහෙම උනේ.

ඔයා බය වෙන්න එපා රන්වීර් ඔයා ඉක්මනින්ම සනීප වෙනවා"

සාරන්‍ය කතා කරේ කදුලු පෙරාගෙනම.

" සාරන්‍ය මට අවුලක් වෙන එකක් නෑ. අඩන්න එපා සාරන්‍ය . ලෙඩ්ඩු ඉස්සරහ අඩන්න හොද නැහැනේ. "

රන්වීර් එහෙම කිව්වෙ මොනතරම් වේදනාවකින් හිටියත් සාරන්‍යගෙ හිත හදන්න හිනාවකුත් එක්කමයි. සාරන්‍යත් අඩන එක පැත්තකින් තියලා ආයෙත් සාමාන්‍ය තත්වයට ආවා.

" doctor මොකද කිව්වේ"

" වෙනම ඉන්න කිව්වා. නිතර දුම් අල්ලන්න කිව්වා. තව තව දේවල් කිව්වා."

"අනේ රන්වීර් පරිස්සමෙන් ඉන්න. මට ඔයාව බලන්න තිබ්බනම්."

" පිස්සු නම් කරන්නෙපා සාරන්‍ය "

රන්වීරුත් හයියෙන් හුස්ම ගන්න ගමන් කිව්වෙ ඒ වේදනාව තවත් කෙනෙක්ට දෙන්න බැරි නිසා.

"හ්ම්ම්. හරි රන්වීර් මං දන්නව ඔයා කතාකරාට ඔයාට කතා කරන්න අමාරුයි කියලා. ඒ නිසා මං තියන්නම්. පරිස්සමෙන් ඉන්න . ඕනම වෙලාවක කතා කරන්න. මහ රෑට උනත් කමක් නෑ. කම්මැලි හිතුනත් ගන්න. මං බලන් ඉන්නව ඔයාට ඉක්මනට හොද වෙනකන්."

සාරන්‍ය දුකින් කතාව අවසන් කරේ රන්වීර් ව තවත් මහන්සි කරවන්න බැරි නිසා. සාරන්‍යට කොහොම උනත් රන්වීර් ව බලන්න ලොකු උවමනාවක් තිබ්බා. මොකද මේ වසංගතේ නිසා දවස ගානේ මිනිස්සු ජීවිතේට සමු දෙනකොට සාරන්‍ය ගෙ හිත හරි කලබලයෙන් ගැහුනා. සාරන්‍ය රන්වීර් ගෙ තත්ත්වය ගැන නිකමටවත් ගෙදරටනම් කිව්වේ නෑ.