👑 သူမ 👑 [Completed]

13

°°°သူမ°°°
              အပိုင်း(၁၃)

ဒေါသမီးဟုန်းဟုန်းတောက်နေသော ဒေါ်ထိပ်ထား၏အကြည့်တို့က နေရာတွင်ပင်ပြာကျသွားလုနီးပါးဖြစ်ရသည်။

သာယာနဲ့သူ့ပုံတွေကဘာလို့ TVမှာပါလာရတာလဲ။
အားလုံးကို အကျဉ်းရုံးလုပ်ခဲ့ကြတာပါ။

ဒီကိစ္စအတွက် ဒေါ်ထပ်ထားကသာယာ့ကို အထင်လွဲနေတာလား။
မဟုတ်ဘူးနော်။ သာယာဘာမှမသိဘူး။

မကြည့်ပါနဲ့ဒေါ်ထိပ်ထားရယ်။
ဓားသွားတစ်စင်းလိုစူးနစ်ဝင်သွားနိုင်တဲ့ အဲ့ဒီအကြည့်တွေကို သာယာကြောက်လို့ပါ။

မဟုတ်ဘူး။ သာယာလုပ်တာမဟုတ်ပါဘူး။
တရွေ့ရွေ့လျှောက်လာနေသော ဒေါ်ထိပ်ထားကို သာယာလက်လေးတွေအကြိမ်ကြိမ်ခါပြနေမိသည်။
ခေါင်းယမ်းရလွန်းလို့လဲ ခေါင်းတစ်ခုလုံး ချာချာလည်နေသည်ဟုထင်နေမိသည်။

ကျလုလုမျက်ရည်စတို့သည် ဆံပင်တို့ကိုအဆွဲခံလိုက်ရသည့်နောက် အလုံးအရင်းကျဆင်းကုန်ကြတော့သည်။

"ညည်းကြောင့်……မိန်းမယုတ်မ"

ဟင့်အင်း……သာယာမိန်းမယုတ်မဟုတ်ပါဘူး။

"ညည်းလဲညည်းအမေတုန်းကလိုပဲ
ငါ့ကိုစိတ်ဆင်းရဲအောင်လုပ်တယ်
ငါ့ဘဝကို အမျိုးမျိုးဖျက်စီးတယ်
လာစမ်း……ညည်းကိုငါအရှင်မထားဘူး"

တောင်းပန်ပါတယ်……သာယာရှိခိုးပြီးတောင်းပန်တာမို့လို ကျေးဇူးပြု ပြီးလွှတ်ပေးပါ။
ဦးခေါင်းတစ်ခုလုံးပူထူနေမှုက မျက်လုံးတွေပင်ဝေဝါးလာသည်အထိခံစားရသည်။
သာယာ့ဆံနွယ်ရှည်တို့သည် ဒေါ်ထိပ်ထားလက်၌ရစ်ပတ်ကာ ဦးညွှတ်လျှက်။

ကူကယ်ရာမဲ့စွာ ကယ်တင်မည့်သူကိုခေါ်မိသော်လည်း နှုတ်ဖျားကမည်သည့်စကားတစ်ခွန်းမျှထွက်ကျမလာဘဲ တူညီသောထိုတစ်လုံးသာထွက်လို့လာသည်။

အပြင်ကတံခါးတဒုန်းဒုန်းထုသံကိုကြားနေရသော်လည်း ဒေါ်ထိပ်ထား၏ရိုက်ချက်များကတော့ ရပ်တန့်မသွားပါဘဲ သာယာ့ပါးပြင်ထက် ဆက်နေသည်။

"ထိပ်ထား တံခါးဖွင့်စမ်း……
မင်းအပြစ်မရှိတဲ့ကလေးကို မနှိပ်စက်နဲ့
အခုချက်ချင်းတံခါးလာဖွင့်……"