👑 သူမ 👑 [Completed]

38

°°°သူမ°°°
              အပိုင်း(၃၈)

ဦးမိုးနှင်းဘက်ကပြန်လည်ဆက်သွယ်လာခဲ့သည်မို့ အားလုံးကို ဖွင့်ပြောဖို့ရန် မိုးမင်းခဆုံးဖြတ်ခဲ့သည်။
မိုးရိပ်ကို ပျော်ရွှင်စေချင်သော်လည်း မထိခိုက်စေလို။
ဒီထက်သာ ပိုပြီး ဖုံးကွယ်ထားမည်ဆိုလျှင်
မိုးရိပ်အတွက် အများကြီးထိခိုက်လာနိုင်သည်။
မုန်းချင်လဲမုန်းပါစေတော့။

ကိုယ်မပိုင်ဆိုင်ရသော်လည်း မိုးရိပ်ဘဝကို
မညစ်နွမ်းစေလိုပါ။
သူမအတွက် သေချာစဉ်းစားဆုံးဖြတ်ထားတာမို့
ခွင့်လွတ်နိုင်လိမ့်မည်ဟုလဲ မျှော်လင့်မိသည်။
ဦးမိုးနှင်းဆက်သွယ်လာသည့်နောက်အလုပ်ကိစ္စအကြောင်းပြကာ နှစ်ရက်ခန့် ပြန်စဉ်းစားခဲ့သည်။

မိုးရိပ်ဘက်ကတုန့်ပြန်မည့်အမုန်းတရားကို
ခံယူဖို့ သတ္တိအင်အားမွေးပြီးမှသာ ဦးမိုးနှင်းစီကိုလာခဲ့ခြင်း။

"ကျနော် မိုးမင်းခပါ……
အန်ကယ်ဦးမိုးနှင်းနဲ့ချိန်းထားလို့"

"ဟုတ်ကဲ့ အထဲဝင်သွားလိုက်ပါ
သူဋ္ဌေးစောင့်နေပါတယ်"

ဝန်းထမ်းက တံခါးဖွင့်ပေးသည်မို့ ဝင်လာခဲ့သည်။
မိုးမင်းခကို မြင်သည်နှင့် ဦးမိုးနှင်း နေရာကထလာသည်။

"မောင်ရင် လာ……ထိုင်အုံး
အန်ကယ်မင်းကို အရင်နေ့ကတည်းမျှော်နေတာ"

"ဟုတ်ကဲ့ ကျနော်အလုပ်နည်းနည်းများနေလို့ပါ"

"ရပါတယ်ကွာ……တစ်ခုခုသောက်မလား"

"တော်ပြီအန်ကယ်……
အန်ကယ်ပြောစရာရှိတာကိုပဲပြောပါ"

"မောင်ရင်က သားသူငယ်ချင်းမဟုတ်ဘူးမို့လား
သားနဲ့ပတ်သက်သမျှလူတိုင်းကို အန်ကယ်သိတယ်"

"ဟုတ်ကဲ့ ကျနော်က မိုးထက်ဝဠာရဲ့သူငယ်ချင်းမဟုတ်ပါဘူး……ကျနော်ကမိုးရိပ်မေရဲ့သူငယ်ချင်းပါ"

"မိုးရိပ်မေက မိုးမြင့်မေညီမလေးဆိုတာတော့ အန်ကယ်သိတယ်……စိတ်မကောင်စရာက
အဲ့ကလေးမဆုံးသွားပြီ မောင်ရင်လဲ သိလောက်ရောပေါ့"

"ဟုတ်ကဲ့ ကျနော်သိပါတယ်အန်ကယ်"

"ထူးဆန်းတာက မိုးရိပ်မေဆုံးသွားတာကို
သူ့မိဘတွေမသိဘူး……
အဲ့ကိစ္စအတွက် မောင်ရင်များတစ်ခုခုသိမလားလို့"