👑 သူမ 👑 [Completed]

35

°°°သူမ°°°
              အပိုင်း(၃၅)

"ဟင်……မမလေး ဒီကိုဘာလာလုပ်တာလဲ"

ခြံအပြင်မှ ဘဲလ်တီးတော့ ကိုနေလင်းလာဖွင့်ပေးသည်။
သာယာ့ကိုမြင်တော့ အံ့သြစွာမေးလာသည်။

"အန်တီထိပ်ထားနဲ့လာတွေ့တာပါ
ကိုနေလင်း ကုမ္မဏီကိုမသွားဘူးလား"

"မသွားဘူးမမလေး
အကိုလေးက သူကိုယ်တိုင်ကားမောင်းတော့
ကျနော်အိမ်မှာပဲနေရတာ ဒါနဲ့ မမလေးဒီကိုလာတာ အကိုလေးသိလား"

"မောင်မသိပါဘူး……
မောင်ကကုမ္မဏီသွားပြီလေ"

"မမလေးရယ် ဘာလို့တစ်ယောက်ထဲလာတာလဲဗျာ တော်ကြာ ဆရာကတော်ကတစ်ခုခုလုပ်ရင် ဘယ်လိုလုပ်မလဲ"

"ဘာမှမဖြစ်ပါဘူးကိုနေလင်း
အန်တီထိပ်ထားရှိတယ်မဟုတ်လား
သာယာသွားတွေ့လိုက်ပါ့မယ်"

"ရှိတယ်မမလေး……ဂရုစိုက်ပါအုံး
တစ်ခုခုဆို ကျနော့်ကိုလှမ်းခေါ်လိုက်"

"ဟုတ်ကဲ့ ကိုနေလင်း"

သာယာခြံထဲဝင်ခဲ့ပြီးမှ ကိုနေလင်းကတံခါးပြန်ပိတ်သည်။
ခြံကိုလှည့်ပတ်ကြည့်ပြီး ကားတစ်စီးပိုနေတာတွေ့သည်မို့~

"ကိုနေလင်း မိုးမြင့်မေ အိမ်မှာရှိနေတာလား
သူအလုပ်မသွားဘူးလား"

"မသွားတာလား မသွားသေးတာလား မသိဘူးမမလေး လောလောဆယ်တော့ အိမ်မှာရှိတယ်"

"အော်……အခုကိုနေလင်းလိုက်မပို့ရတော့ဘူးပေါ့"

"ဟုတ်တယ်ဗျ သူ့ကားနဲ့သူပဲသွားတာ
အရင်ကလဲ လိုက်ပို့ခိုင်းချင်လို့မဟုတ်ပါဘူးမမလေးရာ……အကိုလေးစီသွားချင်လို့ သက်သက်ဒုက္ခပေးနေတာပါ"

"သာယာ မေးစရာလေးရှိလို့
ကိုနေလင်းအဆင်ပြေမလား"

"ဘာလဲမမလေး မေးပါ"

"မိုးမြင့်မေကို အရင်ကတည်းကသိတာဆိုတော့
သူ့မှာညီမရှိတာသိလားဟင် မြင်ရောမြင်ဖူးလား"

"ကျနော်တော့ မသိဘူးဗျ
အကိုလေးကတော့သိမှာ……
အော် ဟိုတခါသူ့ညီမနာရေးတုန်းကတော့
ရောက်သေးတယ် ဒါပေမဲ့ မမြင်ဖူးပါဘူး"