°°°သူမ°°°
အပိုင်း(၃၉)
"သား……ချစ်သူရနေပြီလား"
ရုတ်တရက်မေးလာသော မေမေ့အသံကြောင့်
နေခလက်ထဲကဖုန်းလေးပင်လွတ်ကျသွားသည်။
"မေမေ"
"မေမေနားလည်ပါတယ်ကွယ်…
သားလဲအရွယ်ရောက်နေပြီပဲ…
ချစ်သူရည်စားရှိတာအဆန်းမဟုတ်ပါဘူး
မေမေတို့ကတောင် သားကိုအိမ်ထောင်ဖက်ရှာပေးဖို့ တိုင်ပင်နေကြတာပါ……"
"အဲ့လိုမဟုတ်သေးပါဘူးမေမေ"
"ဟုတ်သည်ဖြစ်စေ မဟုတ်သည်ဖြစ်စေ
သားမိန်းကလေးကို မေမေတို့နဲ့တွေ့ဖို့ခေါ်လာခဲ့အုံးလေ"
"မဟုတ်ဘူးမေမေ ခေါ်လာလို့မဖြစ်ဘူး"
"ဘာလို့လဲသားရဲ့…မေမေတို့က ကန့်ကွက်မှာစိုးလို့လား…စိတ်မပူပါနဲ့ကွယ်
မေမေတို့ကသားအိမ်ထောင်ရေးကို မစွတ်ဖက်ပါဘူး…သားမိန်းကလေးကို တွေ့ယုံပါပဲ"
"မေမေရယ်……"
နေခ မေမေ့ကိုသွားဖက်လိုက်သည်။
မိဘတွေကို မညာချင်တာမို့ ဖွင့်ပြောဖို့သာဆုံးဖြတ်လိုက်သည်။
နီးစပ်ဖို့မှမဖြစ်နိုင်ဘဲ ထပ်ပြီးဝေးကြလဲ ထူးဆန်းတော့မည်မဟုတ်။
"မေမေ……"
"ပြောလေသား……ဟော…မေမေ့သားမျက်ရည်တွေတောင်ကျလို့ပါလား……
အင်း…သားကိုမျက်ရည်ကျအောင် စွမ်းဆောင်နိုင်တယ်ဆိုတော့ အဲ့မိန်းကလေး မခေဘူးပဲ
မေမေ့သားအတွက် မေမေတို့သဘောတူဖို့
စဉ်းစားရမယ်ထင်တယ်"
"သားတောင်းပန်ပါတယ်…
မေမေတို့ကို ဂုဏ်ယူဖို့ မစွမ်းဆောင်နိုင်ခဲ့လို့
တကယ်တောင်းပန်ပါတယ်…သားကိုမွေးခဲ့မိလို့
မေမေနဲ့ဖေဖေနောင်တရမယ်ဆိုလဲ
သားလက်ခံပါတယ်"
"သားရယ် ဘာတွေဖြစ်နေတာလဲ
မေမေ့ကိုသေချာပြောပါအုံးကွယ်
မေမေတို့ကသားကိုမွေးခဲ့တာ ဘယ်တော့မှနောင်တမရပါဘူးကွယ်"
"သားချစ်သူက…မေမေထင်နေသလို မိန်းကလေးတစ်ယောက်မဟုတ်ဘူး…သားချစ်နေမိတာ
ယောကျာ်းလေးတစ်ယောက်ဖြစ်နေတယ်မေမေ
ဟီး……အီး……သားတောင်းပန်ပါတယ်"
![👑 သူမ 👑 [Completed]](https://img.wattpad.com/cover/377386653-64-k663861.jpg)