عـاد كل شيءٍ بعودة لقائنا
عُـد أحب الحياة لنـعوض ما فاتنا
ردُت الحياة لنا حينما التقت مرة أخرى قلـوبنا.
#مُلتقـى_القلـوب.
متنسوش الڤـوت ورأيكم بعد قرأت البـارت يارب يعجبكم❤️
ـــــــــــــــــــــــــــــــــــــــــــــــــــــــــــــــــــــــــــــــــــــــــ
-حمدالله على السلامة، أنتِ كويسة؟
طرح وكيل النيابة سؤاله برسمية فأجابته بحماسٍ عكس ما توقع:
-ايوة وعاوزة اقول كل حاجة، بس ممكن طلب من حضرتك، جوزي برا ممكن يحضر معايا التحقيق لأن وجوده هيفرق معايا وكمان هو عنده معلومات عاوز يقولها بخصوص القضية كلها
على نبرتها المترجية اقترب العسكري من إحدى أُذناه هامسًا بمّا طلبه يوسف خارجًا، فقال بعدما ابتعد:
-خليه يتفضل
دلف يوسف فأقتربت الماسة منه تقتبس منه الأمان ولاحظ ذلك المتواجدين، أردف وكيل النيابة:
-بطاقتك وقسيمة الجواز
قدم له الاوراق الرسمية وهو يعرفه على نفسهِ:
-أنا البشمهندس يوسف منصور المهـدي، ومكتوب كتابنا من شهر، عاوز اقول لحضرتك إن مراتي مالهاش ذنب في حاجة، أنا الي دخلتها في الموضوع دا والسبب في دفعها لقتل يحيى
سأله مستفسرًا:
-يعني أنت الي محرضها للقتل؟ قصدك تقول إن القتل عمـد؟!
وضح سوء فهمه سريعًا:
-لأ طبعًا مقصدش كدة، أحنا هنحكي لحضرتك كل حاجة بتفاصيل والدلائل
"Flash Back"
دلف فارس مكتب شقيقه متحدثًا بنبرة جليًا عليها الخوف:
-يوسف الحقني، محتاجك أوي ارجوك متتخلاش عني
قـص له المأذق الذي غرز نفسه فيه بسبب انفلاته مع الفتاة التي تُـدعى"لـي لـي" والصـور الملتقطة دون علمه وتم أخذها ضده، شرح له كم الضغوطات عليه منهم، وتوقع أن يدعمه يوسف لكنه تلقى منه رد فعلٍ شـرس، حيث انفعل عليه بغضبٍ شديد:
_أنت ايه الي وصلك لكل دا، هي دي الثقة الي اعطتهالك، وأنا الي فاكرك راجل وجدع، بقيت اقُلك أنت صاحبي، أنت الي باقيلي يافارس، متصغرنيـيش وأنت تقولي اطمن أنا مبعملش حاجة غلط، وأنت الغلـط يتعلم منك !!
ترجاه بندمٍ محاولًا تبرير أخطأه:
-يايوسف والله أنا أسف، غلط واتعلمت والله ماهكرر أي غلط تاني، أنا خلاص هتغير وهبطل شرب وكمان والله بعد عن لي لي، وهرجع الجامعة بتاعتي وهكون إنسان جديد
هز رأسه بخيبة أمل وهو يقول:
-بعد ايه؟ بعد ما خونت ثقتي فيك يانـدل، ياخسارة يافارس ياريتني خرجت نفسي من تربيتك وخليت ابوك هو الي يريبك بجد، كنت عرفت وقتها إن الله حـق ! لكن جاي بعد ماورط نفسك معاهم تقولي هتغيير !
أنت تقرأ
مُلتقى القلوب
General Fiction"ليـس كُـل مـن مـر صـدفـة يُنـسى غـالبـًا يضـطـرك لتـغيـر مسـار أفكـارك رغمـًا عنـك؛ فـإن إجـتـمـع العـشـق مـع الصـدفـة تحـطـم العـقـل بينـهـم"
