السلام عليكم ورحمة الله وبركاته.. وحشتـوني🫂❤️
اتمنى البـارت ينال إعجابكم ومتنسـوش الڤـوت ورأيكم بيفيدني، ومتابعة للي مش متابعين🙈🥰
يـلا بينـا...
كمّا عـادت السفينة بعد غـرقها للشـط...
وبعدما رأى القلـب عتمـته، أنـار اللقـاء مصباحه..
حيـن عـاد حبيب الـروح وعـادت معـه السفينة والقلـب والـروح.
ـــــــــــــــــــــــــــــــــــــــــــــــــــــــــــــــــــــــــــــــــــــــــ
في منزل داخل حي الروضة، ارتخى يوسف جسده على الأريكة بتعبٍ، فقال سليم:
_منور بيت اخوك ياچـو، الشقة دي بتاعتك من انهاردة، وأنا هسيبك تتجول وتاخدلك دُش يفوقك وينزل التعب من عليك، وآه الدولاب فيه هدوم قيسها وإن شاءالله تطلع مقاسك
تجاهل يوسف ذلك وقال بلهفة مترجيًا:
_عاوز اوصل لمراتي ياسليم
عقد حاجبيه بإستنكارٍ متسائلًا:
-مراتك ! أنت اتجوزت؟
اومـأ بنعمٍ متبسمًا، فتمتم سليم بسخرية:
-الواحد مابيصدق يهرب من نسوانه، وأنت أول حاجة في بالك مراتك! هتبوظ سمعتنا كدة، ولا أنت شكلك بتحبها
أجابه بنبرة مُشرقة تنفي مُـر الأيام السابقة:
_مش أي حب، دي كـل حاجة بالنسبالي
غمـز له بمشاكسة هاتفًا:
_ياعيني ياعيني، طب ياعم الله يسهله، قولي عنوانها وأنا أوصلها واعرفها مكانك تجيلك، مانت مش هتمشي من هنا غير لما تخـف خالص
هز رأسه نافيًا، وأردف بحزنٍ:
-لأ مش عايزها تشوفني وأنا بالوضع دا عشان متقلقش اكتر، كفاية عليها الايام الي فاتت، عاوز موبيلك بس اكلمها
قدم له الهاتف فأخذه يوسف ثم سأله مستفسرًا:
_قولي هما فين دلوقتي ؟
رد على سؤاله بإستهانة :
_مرمين في مخزن يـونس الدولي، الرجالة بيتسلو عليهم لحد لما تشوف هتقطعهم كـام حتة؟
نظر له بشـرٍ هاتفًا:
_مش عاوز اقطعهم، عاوز افرمهم ياسليـم
أجابه بثقة على تنفيـذ طلبه:
_متقلقش يونس بيجهز المفرمة لحد لما تقول أمين، أنت فاكر يونـس؟
هتف يوسف بإعتزازٍ:
_وحد ينسى رحـال، منسيتش حد فيكم، لا رأفـت ولا حتى ياسر الله يرحمه
أردف سليـم بفخرٍ واعتزاز:
_ماهو عشان الي أنت عملته في عزا ياسر الله يرحمه، أنا بحبك، عرفت إن معرفتك كنز من كنوز الدنيا، لما مطلعتش عيل صايص بتاع قاعدة حلوة ولمة أُنس، طلعت راجل بجد ومسبتناش ولا سبت اخواته
ابتسم حينما رسخ في ذهنه ذكرى يـاسر وقال بصدقٍ:
_الله يرحمه، ياسر مكنش مجرد صاحب قاعدة حلوة بردو، كان راجل ويستحق كل حاجة حلوة قدمتها ليه بعد موته
أنت تقرأ
مُلتقى القلوب
Ficción General"ليـس كُـل مـن مـر صـدفـة يُنـسى غـالبـًا يضـطـرك لتـغيـر مسـار أفكـارك رغمـًا عنـك؛ فـإن إجـتـمـع العـشـق مـع الصـدفـة تحـطـم العـقـل بينـهـم"
