"كُل الظروف كاذبة فأن أحب المرء بقلبه أقامَ حربًا مِن أجل مَن يُحب"
____________
أجاب جمال بجدية:
_يبقى الباشمهندس يوسف منصور المهدي.
لم يكن مجرد اسم للمتواجدين فالجميع يعلم من ابن الباشا فأحاطت الصدمة وجههم أما عن الماسة فنظرت له بغرق كأنها تسمعه من مكانٍ بعيد لا يصل لعقلها من صاحب ذلك الاسم هل يوسف الذي تعرفه أم شخصًا أخر فأراد جمال تأكيد ما وصل إليها متابعًا:
_قعد معايا انهارده والحقيقة لاقيته متمسك بيها جدًا لدرجة أنه منتظرش والده هو الي يتكلم وجيه طلبها بنفسه وألح عليا كتير إني احاول اقنعك و..
_أنا آسفه يابابا بس أنا مش موافقه.
ختمت حديثها وهرولت إلى غرفتها وتليها حنين لا تفهم سبب ذلك التغير المفاجئ من الطرفين..
_______________________________________
طرق باب مكتب منصور الذي يراجع بعض الأوراق ويرتشف من القهوة خاصته بوقار فسمح للطارق بدخول ودلف يوسف ثم جلس بصمت لم يهتم به منصور وظل يتابع مابيده حتى قال بهدوء:
_أنا قعد مع جمال
سأل منصور بالامبالاة:
_وبعدين؟
استرسل بجدية:
_فهمته سوء التفاهم الي حصل وبعدين طلبت ايدها
اومأ بنعم وقال على نفس نبرته دون اهتمام به:
_حلو، وبعدين؟
نظر له يوسف بصمت فرمقه منصور بطرف عينيه ثم أعادها لمَّ عليه:
_كمل قالك ايه؟
تعجب من لامبالاته كأنه لم ينتظر منه ذلك فقال بتشتت:
_هو حضرتك كنت مستني مني ايه غير كدهدة، مش دا الي انت عاوزه
أزاح مابيده بسخطٍ:
_الي أنا عاوزه! والي أنت عاوزه فين يايوسف؟
رد يوسف بضجرٍ:
_مانا روحت اتقدمت اهو، اعمل ايه تاني
أردف منصور بثقة:
_على فكرة أنا كنت عارف إنك هتروح لـ جمال وكنت واثق إنك هتقدر تقنعه بيك لأنك راجل قد المسؤولية، بس مكنتش منتظر دخلتك دي، كنت متخيل هتبقى فرحان لكن أنت محسسني إنك شيلت حمل تقيل انا مش فاهم سببه
أجاب بقلقٍ بجمعه الحزن:
_خايف ترفض، لا أنا متأكد إنها هترفض عشان كدة كنت عاوز أرتب أموري معاها الأول
نهض منصور متحدثًا بغرورٍ ينسب لوقاره وجلس أمامه:
_لو رفضتك يبقى العيب فيك، وأنا معتقدش إن ابن منصور المهدي فيه عيوب يترفض عشانها
أمتعض يوسف بحنقٍ حاول إخفائه والتزم الأدب برده:
_مفيش حد فينا خالي من العيوب، والموضوع ده بذات مينفعش توافق فيه عشان ابن منصور المهدي، اتمنى حضرتك متفهمش كلامي غلط بس..
بتر حديثه بهدوء ولكنه يحمل الصرامة في طياته:
_يبقى انت كده قدامك اختيارين عشان توافق عليك يأما تقنعها بيوسف وتقدر تنسيها الي حصل بينكم، يأما تقنعها بابن منصور المهدي شريك اخوها والي فض الشراكة بينهم هتنتج خساير كتير.
أنت تقرأ
مُلتقى القلوب
Ficción General"ليـس كُـل مـن مـر صـدفـة يُنـسى غـالبـًا يضـطـرك لتـغيـر مسـار أفكـارك رغمـًا عنـك؛ فـإن إجـتـمـع العـشـق مـع الصـدفـة تحـطـم العـقـل بينـهـم"
