السلام عليكم ورحمة الله وبركاته ❤️🤝
البارت انهاردة هدية لنجاح حبيبة قلبي أشطر كتكوت الدكتورة يارا محمد❤️😘🫂
مش عارفة اعملك منشن فباركولها جميعًا عشان دي البكرية بتاعتي😍🤝❤️
يقـول محمـود درويـش:
يجب أن تكون العلاقة بين شخصين ملاذًا آمنًا
وليس ساحة معركة فالعالم فيه من القسوة ما يكفي.
_______________________________________
_صباحو يابوحـة والعة معاك أنت
قالها حمزة وهو يجلس مع عمر في مكتبه، فقام بالرد مندفعًا:
_اللهي تولع في وشك كدة ياشيخ والله ماكلمتني ولسة عاندة عليا وخطتك مجبتش بربع جنية نتيجة
نظر له بالامبالاة مجاوبًا:
_أنا مالي، أنا قولتلك الفكرة وأنت نفذت ماليش ذنب في أدائك المقرف دا، وفي ميولكم إن اللمبي هو الراعي الرسمي للرومانسية!
عقب على سخريته بسخطٍ:
_بكرة نشوفك ياخويا، ياريت بس متقلبش كتكوت وقتها
رمقه ببلاهة وصمت قليلًا ثم تمتم بتردد:
_طب بقولك ايه؟ هي حنين مجتش ولا ايه؟
اجابه بعدم إهتمام:
_معرفش هو أنا الليدر بتاعها اسأل يوسف، واصلًا أنت بتسأل ليه مشتاق؟
غمز له بالاخيرة في خبثٍ، فهز حمزة أكتافه نافيًا قوله يخفي للهفته عليها:
_لا ياعم مشتاق ايه مش لدرجتي يعني مجرد فضول بس، اتعود اشوفها كل يوم في الشركة بس هي مجرد موظفة
رد بسخرية يفهم حقيقة مشاعره:
_ماهو دا الاشتياق مستخبي في صورة فضول ياصاحبي.. على الحديث فُتح الباب ودلف يوسف فهتف عمر بخبثٍ:
_ولا ايه ياچـو؟
فهمه من نظراته فجلس مقابل حمزة مردفًا بثقة:
_بدام الكلام طالع من عندك يبقى صح، أصل صاحبي مبيقولش حاجة غلـط، ولا ايه يازوم؟
نهض حمزة بضيقٍ هاتفًا:
_بقولكم ايه أنتو رايقين، أنا ماشي
مسكه يوسف من معصمه يجبره على الجلوس متسائلًا:
_وأنت ايه الي معكننك يابن الحديدي؟
جلس مرة أخرى بنفورٍ، حينما قال عمر بمراوغة:
_أصل مش عارف يقعد في الشركة وحنين مش موجودة، ومش اشتياق مجرد فضول، ومش بيحبها مجرد موظفة، واخد بالك أنت؟
رجع يوسف للوراء قليلًا وهو يقول برسمية:
_معتيتش جاية الشركة قدمت استقالتها انهاردة وأنا قبلتها
رفع حاجبيه بدهشة مردفًا بلهفة:
_بجد ولا بتهزر
اجابه على نبرته مؤكدًا:
_هو الكلام دا فيه هزار؟ مقدرتش تستحمل ضغط شغل الموقع فقدمت استقالتها
ضرب على سطح المكتب بغضبٍ هاتفا:
_إزاي يعني وأنت بتضغط عليها ليه اصلًا يايوسف مانا قايلك وضعها
أنت تقرأ
مُلتقى القلوب
Ficción General"ليـس كُـل مـن مـر صـدفـة يُنـسى غـالبـًا يضـطـرك لتـغيـر مسـار أفكـارك رغمـًا عنـك؛ فـإن إجـتـمـع العـشـق مـع الصـدفـة تحـطـم العـقـل بينـهـم"
