"မောင် ပျို ပြန်ရောက်ပြီနော်.."
ဖုန်းထဲကနေ ထွက်ပေါ်လာတဲ့ အသံကြောင့် ဖုန်းကိုကိုင်ထားတဲ့ နန်းရဲ့လက်တွေကို တင်းတင်းဆုတ်လိုက်မိသလို ရင်ထဲမှာလည်း လှိုက်ခနဲဖြစ်သွားရသည်။မောင် မောင်တဲ့လား။ဒီနာမ်စားကို ဒီကမ္ဘာမှာ နန်းတစ်ယောက်တည်းပဲ ခေါ်ခွင့်ရချင်ခဲ့တာလေ။ဘာလို့များ တခြားတစ်ယောက်ြ ပိာင်စိုးပိုင်နင်း ခေါ်နေရသလဲ။နောက်ပြီး ခေါ်တဲ့သူလည်း ဘာလို့သူဖြစ်နေရတာလဲ။
"ဟယ်လို မောင် ပျိုပြောတာကြားလား။ပျို ပြန်ရောက်ပြီလို့ ဟယ်လို.."
ဖုန်းထဲက အသံတွေ ဆက်တိုက်ထွက်ပေါ်လာပေမယ့် နန်း ဘက်ကတော့ စကားတစ်ခွန်းမှ မဟမိပါ။ထို့အပြင် ဖုန်း screen ပေါ်က ဖုန်းချတဲ့ အရာလေးကိုပါ ခပ်မြန်မြန် နှိပ်လိုက်မိသည်။ဖုန်းကို စားပွဲပေါ်မှာ မောင် တင်ထားခဲ့တဲ့အတိုင်း အရာမယွင်းအောင် တင်ပေးထားခဲ့ပြီး နန်း ကိုယ်တိုင်လည်း ကုတင်ပေါ်မှာ မောင် ထွက်လာတာကို စိတ်ရှည်ရှည်နဲ့ထိုင်စောင့်နေလိုက်သည်။အပြင်ပန်းမှာ နန်း တည်ငြိမ်စွာထိုင်နေပေမယ့် ရင်ထဲမှာတော့ ကမ္ဘာစစ်ဖြစ်နေသလား မှတ်ရအောင်ကို ဗလောင်ဆူနေလေပြီ။
"မောင် ဘာတွေလုပ်နေတာလဲ မောင်ရယ်.."
နန်း ခပ်တိုးတိုးရေရွတ်မိတဲ့ စကားကို မောင်ကတော့ ကြားမယ်မထင်။သိပ်မကြာလိုက်ခင်မှာပဲ မောင်က ရေချိုးခန်းထဲက ထွက်လာလေသည်။အရှက်ပိုတတ်လွန်းတဲ့မောင့်ကြောင့် သူအဝတ်စားဝတ်တဲ့ အချိန်တိုင်း နန်း အပြင်ထွက်နေပေးရလေ့ရှိပြီး အခုလည်း မောင့်ကို ထားခဲ့ကာ နန်း အောက်ထပ်သို့ ဆင်းလာခဲ့သည်။အောက်ထပ်မှာ ထိုင်နေတုန်း နန်းဆီကို ဖုန်းဝင်လာတာကြောင့် ကိုင်လိုက်ပြီး..
"အခြေနေ ဘယ်လိုရှိလဲ.."
"အခုချိန်ထိတော့ ငြိမ်နေသေးတယ် မမကြီး။ကျွန်တော်တို့လည်း မျက်ခြေမပျက်စောင့်ကြည့်နေပါတယ်.."
"အွန်း ဒီရက်ပိုင်းအတွင်း တော်ဝင် ဘာတွေလုပ်နေသေးလဲ.."
"ဒီရက်ပိုင်းအတွင်းဆိုရင် သူ ပြင်ဦးလွင်က အိမ်ထဲမှာပဲ အနေများပါတယ်။ညဘက်တွေဆိုရင်တော့ စိတ်ပြေလက်ပျောက် အပြင်ထွက်တယ်ထင်တယ်။ဒီမြို့အနီးနားက တံတားဆီကို သွားသွားနေတတ်တယ်.."
YOU ARE READING
အမှားဟုသတ်မှတ်ခဲ့သည်ရှိသော်
Randomတကယ်လို့တို့မဟုတ်တဲ့တခြားအရာတစ်ခုက မောင့်ကို ပြုံးရွှင်စေခဲ့ရင် တို့အဲ့အရာကိုဖျက်ဆီးပစ်မယ်။ဒါကို မောင်ကအမှားလို့သတ်မှတ်ခဲ့သည်ရှိသော် စာသားမှားယွင်းမှုတစ်စုံတစ်ရာရှိခဲ့သော် စာရေးသူ၏ညံ့ဖျင်းမှုသာဖြစ်ပါသည်။မည်သူတစ်ဦးတစ်ယောက်ကိုမှ ထိခိုက်စေလိုခြင်းမရှိ...
