"ကျော့ကေသီ ဘယ်မှာလဲ မောင်.."
နန်း မေးလိုက်တော့ အလုပ်စားပွဲပေါ်မှာ ကွန်ပျူတာ တစ်လုံးနဲ့ အလုပ်ရှုပ်နေတဲ့ မောင်က တစ်ချက်လောက်လှည့်ကြည့်ပြီး မကြားသလိုနဲ့ အလုပ်ပြန်လုပ်နေလေသည်။
"မောင် တို့ မေးနေတယ်လေ။ကျော့ကေသီ ဘယ်မှာလဲလို့..."
မောင် အလုပ်လုပ်နေတဲ့ နားကိုသွားကာ မျက်နှာချင်းဆိုင်ရပ်ပြီး မေးလိုက်တော့ စိတ်မရှည်သလို သက်ပြင်းချကာ...
"မပြောချင်ဘူး..."
"မောင် ပြောမှဖြစ်မယ်...."
"ဘာလဲ ကျွန်မသူငယ်ချင်းကို ကုတင်ပေါ်ဆွဲတင်ပြီး ကိုယ်ဝန်ရလာရင် ထပ်ပြီးဖျက်ချခိုင်းမခို့လား..."
"မောင်!မောင် စကားကို ဘယ်လိုတွေ ပြောနေတာလဲ!!"
"ကြားတဲ့အတိုင်းပဲ!အန်တီနန်းတို့ သူငယ်ချင်းနှစ်ယောက်လုံးကို ကျွန်မက လူကောင်းတွေလို့ ထင်ထားခဲ့တာ။လတ်စသတ်တော့ အန်တီနန်းတို့ သူငယ်ချင်းနှစ်ယောက်စလုံးက တစ်ယောက်တစ်မျိုးစီ ရူးနေကြတာပဲ..."
"တော်ပါတော့ မောင်ရယ်။တော်ပါတော့ မောင် စကားနာထိုးချင်တယ်ဆိုရင်လည်း နောက်မှ ထိုးပါကွယ်။အခုတော့ တို့ တောင်းဆိုတာပါ။ကျော့ကေသီ ရှိတဲ့နေရာကို တို့ကို ပြောပြပါကွယ် နော်..."
"ကျစ် ဘာလို့ ကျော့ရှိတဲ့ နေရာကို အန်တီနန်းက ဒီလောက်တောင် သိချင်နေရတာလဲ။သိရတော့ကော အန်တီနန်း အတွက် ဘာအကျိုးရှိလို့လဲ..."
"တို့အတွက် ဘာအကျိုးမှမရှိပေမယ့် သူ့ကြောင့် အရူးတစ်ပိုင်း ဖြစ်နေတဲ့ တို့ သူငယ်ချင်းကိုတော့ ပြန်ကောင်းလာအောင် လုပ်ပေးနိုင်တယ်လေ.."
"ဘယ်လို!အန်တီမြတ် အန်တီမြတ်က အခုဘာဖြစ်နေလို့လဲ...."
"သူ အခြေနေမကောင်းဘူး မောင်။ဒီတိုင်းကြာကြာထားရင် သူတကယ်ရူးသွားလိမ့်မယ်။အခုတောင် အခြေနေက ထိန်းမရဖြစ်နေပြီ..."
"အန်တီနန်း တကယ်ပြောနေတာလား.."
မောင့် ပုံစံကိုကြည့်ရတာ အံ့ဩနေသလိုပင်။အင်းပေါ့ မောင်က ကျော့ကေသီ ကိစ္စကိုသိပြီးကတည်းက မြတ်နဲ့အဆက်သွယ်မှ မရှိတော့တာ။နန်း ကိုယ်တိုင်ကလည်း အဆင်ပြေသွားလောက်မှာပါဆိုပြီး မောင့်ကို မပြောပြမိဘူးလေ။
YOU ARE READING
အမှားဟုသတ်မှတ်ခဲ့သည်ရှိသော်
Diversosတကယ်လို့တို့မဟုတ်တဲ့တခြားအရာတစ်ခုက မောင့်ကို ပြုံးရွှင်စေခဲ့ရင် တို့အဲ့အရာကိုဖျက်ဆီးပစ်မယ်။ဒါကို မောင်ကအမှားလို့သတ်မှတ်ခဲ့သည်ရှိသော် စာသားမှားယွင်းမှုတစ်စုံတစ်ရာရှိခဲ့သော် စာရေးသူ၏ညံ့ဖျင်းမှုသာဖြစ်ပါသည်။မည်သူတစ်ဦးတစ်ယောက်ကိုမှ ထိခိုက်စေလိုခြင်းမရှိ...
