အဆင်မပြေတဲ့ နေ့ရက်တွေကိုကျော်လွန်ပြီတဲ့နောက်မှာ မောင်နဲ့နန်းကြားမှာ အစစရာ အရာရာဟာ အဆင်ပြေ ချောမွေ့လာခဲ့သည်။နန်းကို ချစ်ပါတယ်လို့ ပြောပြီးတဲ့နေ့ကစလို့ မောင်ဟာ နန်းအပေါ်မှာ နူးညံ့လာသလို အရင်ကထက်ပိုပြီး ဂရုစိုက်ကြင်နာပေးလေသည်။နန်းကတော့ ဒါကိုပဲ သဘောအကျကြီး ကျနေမိတာလေ။
"မောင် ထတာ့လေ.."
ခွေခွေလေး အိပ်ပျော်နေတဲ့ မောင့်ကို နန်း ကုတင်ပေါ်မှာ တင်ပလွှဲဝင်ထိုင်လိုက်ပြီး နှိုးလိုက်သည်။
"အန်တီနန်း..."
မောင်က အိပ်ရာနိုးနိုးချင်းမှာပဲ နန်းရဲ့ ရင်ခွင်ထဲကို ခေါင်းတိုးဝင်လာကာ ချွဲနေလေသည်။နန်း မောင့်ရဲ့ခေါင်းကို အသာပွတ်ပေးရင်း..
"နိုးပြီလား မောင်.."
"အွန်း နိုးပြီ။ဒါပေမယ့် မောင် ပြန်အိပ်ချင်သွားပြီ.."
"အယ် ဘာလို့လဲမောင်ရယ်.."
"အန်တီနန်းရဲ့ ရင်ခွင်က အရမ်းနွေးနေလို့လေ။မောင် ပြန်အိပ်ချင်သွားပြီ.."
မောင့်ရဲ့စကားကြောင့် နန်း ပြုံးလိုက်မိသည်။အခုနောက်ပိုင်း မောင် စကားတွေ သိပ်တတ်လာသလိုပဲ။အလိုက်ကမ်းစိုးမသိတဲ့ နှလုံးသားကလည်း မောင့်ဆီက အဲ့လိုစကားတွေ ကြားရတဲ့အချိန်ဆိုရင် ထိန်းမရအောင် ခုန်လာတတ်သည်။
"ပြန်တော့ မအိပ်တော့နဲ့လေကွယ်။ဒီနေ့ တို့ဗိုက်ကို OG နဲ့ပြရမှာလေ။ထတော့်နော် စောစောပြင်ဆင်ပြီး စောစောသွားရအောင်လို့.."
"အွန်း ထပြီ။မောင့်အမျိုးသမီးလေးခဏလေးစောင့်နေနော်။မောင် အမြန်ပြင်ဆင်လိုက်မယ်.."
ပြောရင်းဆိုရင်း နန်းရဲ့ပါးကိုတစ်ချက်နမ်းကာ မောင်က ရေချိုးခန်းထဲကို ဝင်သွားလေသည်။နန်း အိပ်ရာခင်းကို အနည်းငယ်ပြင်လိုက်ပြီး မောင့်အတွက် အဝတ်စားထုတ်ပေးကာ ကုတင်ပေါ်မှာ ထိုင်စောင့်နေလိုက်သည်။နန်းကတော့ မနက်အစောကြီးကတည်းက ထပြီးပြင်ထားတာမို့ ထွေထွေထူးထူးလုပ်စရာမရှိ။မောင့်အပြီးကို စောင့်ဖို့သာ ကျန်တော့သည်။သိပ်မကြာလိုက်ပါ။မောင်က ရေချိုးခန်းထဲကနေ ခပ်သုတ်သုတ်ထွက်လာပြီး နန်း ထုတ်ပေးထားတဲ့ အင်္ကျီကို ဝတ်လိုက်လေသည်။ဟူဒီတွေကိုသာ အဝတ်များတဲ့မောငိ့မှာ အပြင်သွားရင်လည်း ဝတ်စရာဟာ ဟူဒီများသာ ရှိသည်။နန်း ဘယ်လောက်ပဲ အဝတ်စားတွေဝယ်ပေးဝယ်ပေး မောင့်ရဲ့ဘယ်တော့မှ ပြောင်းလဲမသွားတဲ့ အဝတ်စားပုံစံကြောင့် နောက်ပိုင်း သူကြိုက်တဲ့ ပုံစံတွေကိုသာ ဝယ်ပေးဖြစ်သည်။အခုလည်း မောင်က နန်း ထုတ်ပေးထားတဲ့ ဟူဒီအနီရောင်လေးနဲ့ ကြည့်လို့ကောင်းနေလေသည်။
YOU ARE READING
အမှားဟုသတ်မှတ်ခဲ့သည်ရှိသော်
Randomတကယ်လို့တို့မဟုတ်တဲ့တခြားအရာတစ်ခုက မောင့်ကို ပြုံးရွှင်စေခဲ့ရင် တို့အဲ့အရာကိုဖျက်ဆီးပစ်မယ်။ဒါကို မောင်ကအမှားလို့သတ်မှတ်ခဲ့သည်ရှိသော် စာသားမှားယွင်းမှုတစ်စုံတစ်ရာရှိခဲ့သော် စာရေးသူ၏ညံ့ဖျင်းမှုသာဖြစ်ပါသည်။မည်သူတစ်ဦးတစ်ယောက်ကိုမှ ထိခိုက်စေလိုခြင်းမရှိ...
