"Haya beta chutiyan kernay ke liye Pakistan ajao na." Haya ki ammi ne bohot zid kerte hoye kaha.
"Ammi abhi tw moqa mila hai Sydney ghomnay ka, warna tw perhayi mein hi itna busy rehti thi."
"Bad mein ghoomlena, is saal Taha ki shadi hai, ajao sab hongay enjoy kero ge aur Afreen bhi Pakistan arhi hai."
Haya heeran pareshan rhay gye, woh tw sochti thi ke Taha uska hath mangay ga, aur woh bari ego se inkaar kerdege, "Taha ki shadi? Lekin kisse ammi?"
"Rija ki bachpan ki dost hai, Fiza nam hai."
"Acha ammi mein bad mein bat kerti hon. Allah Hafiz."
Haya ko shadeed ghussa tha, "Taha ko tw woh Fiza ek ankh na bhati thi, aur ab janab chalain hain shadi kernay. Ab tw Pakistan jana banta hi hai mera, Fiza ke samnay Taha ke saray raaz na kholay na tw mera nam bhi Haya Faizan nahi."
Haya ko hamesha se hi Rija, Taha ki bhen bilkul pasand na thi, shyd usko apni family mein siwaye Afreen ke koi pasand hi na tha, lekin majboran usse Rija se bat kerni perti thi, kyunke woh wahid aasra thi Haya ke ghar se bahar nikalnay ka. Rija bhi Haya se bohot chirti thi, ishi liye woh khandan mein Haya ko sabki nazron mein girana chahti thi.
Flashback
Phupho:"Bhabhi ap zara Haya ki dressing dekha kerain, apne meri Rija ko dekha hai uske sar parse tw dupata utarnay ka nam hi nhi leta."
Ammi bechari phupho ke agay bol bhi kya sakti thi, "Allah Rija jaisi beti sabko de."
"Ameen Ameen."
Flashback ends
"Har koi bus Rija Rija hi kerta rehta hai, mera bus chalay na tw is Rija ki sari polain kholdon sabke samnay."
Itne mein Asr ki namaz ka waqt hogya, Haya uth ker namvaz perhnay chali gye. Namaz perh ker Haya sonay lait gye.
Jab Haya apnay kamray se bahar nikli tw wahan usse ek darwaza dikha jo phele usne kabhi nhi dekha tha. Usne darwaza khola aur woh us kamray mein chali gye.
"Koi hai? Hellllo?"
Achanak se ek light jali, ek borhi aurat zameen per bethi thi, woh aurat usse dekh ker muskuraye aur boli, "Idhar ao beti."
Haya dar gye aur peche honay lagi.
"Daro mat beti mere pass ao." Us aurat ki awaaz kuch jani pehchani thi.
Jaise hi Haya uske pass gye, us aurat ne Haya ki taraf ek cheez barhayi, woh dekh ker Haya shock mein agye.
"Dadi?"
YOU ARE READING
Haya Ka Rasta
Spiritual#1 in Spiritual 12 times, and still counting. . "Among the things that people have found from the words of the previous prophets was:'If you feel no shame, then do as you wish." (Al-Bukhari) Haya can be translated as modesty, shame or shyness. . T...
