Legends League Delta Online [ONGOING]

Chapter 38

Gabb's POV

Nagising ako dahil sa malamig na tubig na ibinuhos sa akin . Dahan dahan kong iminulat ang mga mata ko . Inilibot ko ang mga mata ko . Parang nasa loob ako ng isang lumang parking lot . Tinignan ko yung pinanggalingan ng tubig na bumuhos sakin . May timba na nakasabit sa kisame na may tali na nakadugtong sa kung saan .

Biglang bumukas ang ilaw sa harap ko pero malayo iyon sa akin. Nakita ko ang isang babaeng nakayuko na nakagapos ang kamay at paa sa upuan . Kylie!

Tatakbo na sana ako ngunit hindi ako makagalaw . Kahit pala ako'y nakatali din sa aking upuan .

Isa-isa pang nagbukasan ang mga ilaw sa paligid nung babae may anim na taong nakatalikod sa akin ang isa isang nag harapan .

Lahat sila'y mukhang pamilyar sakin .

Isa-isa nilang isinuot ang mga hawak nilang helmet . It's a dimension splitter!

"Booo !" Nagulat ako dahil sa sigaw ng isang tao sa tabi ko . Sa aking palagay , nasa 4'5 ang tangkad niya na may balingkinitang katawan . Napapikit nalang ako at pinilit isipin kung saan ko siyang nakita .

"Lil-"

"Die now kuya!" Agad niyang isinuot sa akin ang isang dimension splitter .

"Kuya Darkknight! Buhay ka!" Sigaw ng isang maliit na bagay na may matinis na boses .

"A-Aluminanight?" Panaginip lang ba ang lahat?

"Kuya na-comatose ka dahil sa matinding impact ng pagtama ng katawan mo nung sumabog ang system. Buti nalang at gumana na ang buff ko at nakapag-buff ako ng regen ng mabilis kundi-"

"Nasaan ang iba?"

"Basahin mo ung notification mo ... Kasalukuyan kang hinahanap ng lahat ng players . Isa ka na sa mga quest kuya at kailangan mong lumaban sa kanila para mabuhay ." Damn .

Agad kong tinignan ang status ko .

Darkknight
Level 157
Hp 10000000
Mp 1000000
Sp 1000000

Stats (Max)

Item drops : All Legendary Kaya naman pala .

"Kuya mag handa ka . May paparating na Angel Class. Nasa sampu sila , tingin ko isang guild sila ."

"Buff."

Agad akong naghanda , nagbuff na din ako para dagdag damage at regen maliban sa buff ni Aluminanight .

Unti-unting nagbukas ang dalawang higanteng pinto . Nasilaw ako dahil sa liwanag na pumasok kasabay ng mga Angel Class . Pumikit ako at nakiramdam . Dumilat ako ng unti-unti nang nagsara ang mga pinto .

Nakaramdam ako ng isang player na nagblink sa likod ko .

"Yaaaaahhhhh!!!" Agad kong pinangsalag ang espada ko . Isang babaeng player. Tinulak ko siya palayo ng makaramdam ulit ako ng isa pang player na pasugod sa akin .

Tumakbo ako palayo sa kanila at mabilis kong inactivate yung wings ko .

Lumipad ako sa taas at pinagmasadan ang lahat . Lahat sila'y max levels na samantalang ako'y hindi pa .

'Poseidon's Wrath!'

Agad akong nagcast ng skill and from somewhere , isang malaking tsunami ang tumangay sa ibang members ng guild na iyon .

"Kuya sa likod mo!"

Agad akong nagblink palayo sa pwesto ko kanina .

Nakita ko yung pangalawang player na nagblink sa likod ko.

"Shi-Shia??? No way."

"Mamamatay ka na !!!!" Lumipad siya patungo sa direksiyon ko . "Haaaaaaaaaahhh!!"

Pinilit kong iwasan ang mga tira niya .

"Searing arrows!!!" Nagpaulan siya ng mga palaso na nababalot ng yelo na may 25% stun effect sa direksiyon ko .

"Shia! Wait ! Anong nangyayare ?!" Agad akong nagblink sa likod niya at hinawakan siya sa dalawang balikat niya . Tinadyakan ko ang hawak niyang weapon at nahulog ito sa tubig .

Humagulgol ng iyak si Shia na mas ikinabahala ko .

"Ki-kinokontrol niya k-kame Crimson . Ma-mas gusto ko pang mamatay." Pagkatapos niyang sabihin yun ay agad niya akong sinipa at tuluyan siyang nahulog sa malalim na dagat na ako mismo ang gumawa .

'Clearing Battlefield'

Nawala na ang skill ko sa kwarto na yun . Maging ang mga katawan ng mga guild members at ni Shia ay naglaho na din .

Patawarin mo ako Shia .

"Kuya... May isa pang guild ang paparating dito..." Malungkot na sabi ni Aluminanight . "...At sa tingin ko hindi mo sila kakayaning talunin ."