ضفائر صبريه

٣...

#قصة_ضفائر_صبرية٣

الجزء الثاني

وئام علي

انتة شسمك؟
اسمي ناسيه من اهد ما ضيعتهم
وين ساكن ؟

ساكن بكل شارع و بيت وفرع بيه ريحة منهم

بعدك تحن؟
ليش هو انة شوكت ما باجي و منكع صورهم
حاول انسى ..
شنسى و حلوك الشماتة بكل دقيقة تجيب اسمهم
شلون عايش؟
عايش بطرك النفس ال ها اجوا ها بعدهم...
زين عيش عمرك؟
يا عمر هذا الاعيشة وانة يومية احب رجل الدرب بلكت يردهم..
تغفرلهم؟
الله لا ينطيني اذا سامحت اهلهم
مفتقدهم؟
ايييييه مفتقدهم اي وحك كل دمعة طاحت من شفت غيري على الحاضر اخذهم
كلمة اخيرة ..
شرد اكلهم و انة حتى الساني ضدي شما اقنعة ارد اذلهم ينعقد ويكلي احبهم

يكلي احبهم..............💔 حال مجد ...

دخت من خوفني...

لزمتة حيل و خليت راسي على صدره ...

تعجبت من نفسي حبيت عطره عطر ذاتي اخذني بعيد اتناغمت خلايانا عكس ارواحنا المغتربة ..
لغة الجسد جانت اقوى من لغة الروح..
حسيت احتاج ذاك الحنان الي جان ينطيه لصبرية..
دفنت مجد بمقبرة الروح وسديت الباب بقفل وشمرت المفتاح..
و بديت استميل خضر بلكن اكدر ارجعة لصوابه..

انسيه جروحة ولو على حساب جرحي بفراق مجد. ..

ما اعرف شجرالي وانة احضنة و امرغ وجهي بقماش قميصة .. الاسود. ...

يارب لان حامل يمكن وحامي عليه ...

شنو هذا القهر ...
وين شخصيتي وين اني وهوسة اني ...

غمضت عيوني وهو يسرح شعري ..

احس بيده رجفة يمكن خضوعي خلا الانسانية داخلة تطغى على الشر ...

يمكن محاولتي استعادة الخير بداخلة ...
زعزعت جلمود و السور الي حاوط نفسه بيه...

اعتبرت زواجي تقليدي ولازم اتعايش وي الوضع ..

حتى تستمر الحياة .. خصوصا اكو طفل بالطريق ما اريد يعيرونة باجر بابوه .. حكمت العقل ومكنتة من قلبي و بدة مشواري ...
معقولة اكدر اكسب بيه ثواب و ارجعة لعقلة الي راح اندفن جوة الكاع وي صبرية ..

حضني اله قوي وكضني وهو يشم بشعري ..

رفع وجهي بصابيعة وحسيت بشفايفه على شفايفي و هو ينزل بقبلاتة على وجهي على ركبتي ..

استقرت شفايفة على شامتي ..

هنا ابتسمت بخجل و حسيت براحة ...
لان صبرية ما عدها شامة يعني حسيت انو هنا فكر بية كعفاف..

بس لحظة ليش مهتمتله ...

يمكن حتى لو زواج دون حب الله يخلق بينهم مودة ..