ضفائر صبريه

٣٩

#قصة_ضفائر_صبرية تسلسل البيج ٦٢ واقتربت النهاية

لا والخلق حواء ما اعوفك الها
رجلي انت ويكولون عنك رجلها
رجلي انت و العباس ما تلكة مثلي
ما اعوفج الا بموت مو هيجي كتلي
ما ادري اعوفن هاي يا ربي لو هاي
تكطع هواها الروح لو تكطع الماي
حبيه لحد الموات ما اضوجن اني
هو الاجاني يريد و هو اشتراني
ظل يمي وانة انطيك كل ذرة بية
هاي شنو شتنطيك وشعدها هي
ذميني شما تحجين ما اذمج
عندي السعادة الجان فاكدها يمج

------------٤٨١٤ كلمة
ما جاي الحك اراجع غلسو اذا غلط بزمن تاريخ خربطة .. 
جريت الحزام و رجعت ورى ضحكت مدنكة

مستحية من اول خطوة للمبادرة ابديها ...

هو يعرف طبعي فطيرة ع اي شي اضحك

و من اخجل اكضيها مدنكة ابتسم واضحك

اريد اكلة اريد اصير ام واريد ارضع طفل واحضنه وانومة .

اي اريد احجي امهدله ....

- نسيت شغلة بغرفتنا ذيج مو تطلع هسة اجيك...

ضحك وجرني

- لوتية تردين تنتقمي من العلوية بس ترى هاي موش تفكر مثلج ...

يعني راح تضيعين وكتج عبنج موش تعرفينها هاي هسة بداخلها تكول اريح ضميري عبني عرست بغرفتها وهسة تساوينا

لويت حلكي

- لانها ما تحبك بكدي هي تحبك ع كولة بيبي من تحجي على ام جعفر تكول هاي من جماعة اسمك رجل يفلان عن وحشة الليل ههههه

ضحك وهو يجر اذني بشقى

- والله يا جليلة عبنج عليج سوالف .. قصدج العلوية مزوجتني بس عن وحشة الليل ... لو تدرينها باردة ...
موش مثلج تذوب كل محاسيسج .. بين ايدي ذول ...

عدها الحب والغزل ... بمولود.. .

او نقاش بالدين ... رغم سيد وليد مختلف بس هي متأثرة كلش بقرابتها لجهة .. و معتقداتهم و تأويلهم للدين حسب رغباتهم .. وميولهم ...

باستني بخدي

- بعد قفلت على هاي الغرفة من شفتها حبيتها مو بيدي شوي وجاية عليك العباس لا تطلع

كعد وايده على خده

- و الله موش فاهم دكاتج هاي لا انت الجاهل واكولن تلعب ولا انت الجبيرة الفاهمة واكولن هاي مكارة

طلعت واخذت المفتاح و قفلت الغرفة عليه سمعتة مدري شيدردم ويضحك وي روحة

...

رحت للمطبخ هاي شكد تشتغل شفتها تمسح وجهها وطلعت تنظف الحديقة والطارمة .

متت ضحك عليها هاي الظاهر تحب بيت استقرار اكثر من محسن ذاته