ضفائر صبريه

٢

#قصة_ضفائر_صبرية
بقلم وئام علي

                   _   الحلقة الثانية   _

دفعت ايده عني ...
صياح هو شر لازم نبتعد عنه .
من زغري امي تسميه حرامي بواك و انطبع داخلي

باوعلي وشفت بعيونة يتنوعلي ... هزيت ايدي و اخذت الجلكان  ..
سمعني هو بضحكة ومشى يتقرب مني .. 

- ايه يصبرية  عاشكج يحمامة اصيدج اصيدج انت لا تقبلين بية وشوفي الا اكسر خشمج وانة الي اشمرج ..

ضربت على صدري مامش ازلمة شهم يتهدد هيج هذا بزر شيطان جا شلون غير امه هي منتوبة ...

- يع  ولك شنهي تايهتلك و العباس اخلي السلف كلة يحجي بجتلتك ...
خزرني وكال

- هينة صبرية الايام هي الي تثبت منو بينا الي يخلي السلف يحجي بيه.
باوع للدبة

-  رايح  كطلي ماي هم بديتي ( انجفة او تطشر )  عاودي بساع امي ناطرتج ...

مشيت وانة مدري شلفاني

حسيت بنفسي يتسابك و كلبي موتني بين ضلوعي يضرب جنة دف......

اكيد  من الخوف ..
موش هين صياح موش هين ...

رجعت اتمشى صوب دجلة لان الدبة  من اجاني صياح دفرتها و تبدة ( انجفة او وكع المي )

------------------------
الجمهورية

صباح اليوم الثاني ...

صوت عرك ...
صياح وغلط ...

و تهديد....

كعدت على هيج اجواء ...

لبست بسرعة دشداشتي و طلعت اشوف شكو شفت خضر و بيدة جنطته و بالهول يتعارك وي امه..

- شوف ولك مو  اجدادك هم يمرولنا شكو رايح هناك حنيت ..

- شنو قصدج يمة ترى مو حالة اني مو طفل وتتحكمين بيه ...هاي سوالف عفاف توصلج قصصها شكد تكذب هاي مريضة نسيتي من زغرها تكعد حلمانة بقصة شكبرها مو مرة تهمتلج ابوي يخابر بالليل مرة
و تالي كالت لا يتخيلي ...

خزرة خالي
- تريد امك تترك البيت المن عدت هذا الموضوع ..
خلاص نعرف بعفاف و مرضها ماكو حاجة تحجي ...

ضجت لان مرضي هذا هواي مشاكل سبب وقتها صارت مشكلة وصلت للطلاق بس بيبي اتصلت وكلتلها هي جانت تحاجيه ..

مو بيدي اشوف شي وعقلي يوسوس اصدك عقلي من يشطح .
و اوقات صار الكذب يجري بدمي

جان خالي بريء واني بعقلي المريض شفته خاين . 
كمت ما اعرف اذا كل الي اشوفه حقيقي لو  من وهم عقلي .. وراها عرضوني طبيب  اطباء  تكول انفصام ذهني  واطباء طلعتلي امراض هواي ..

بيبي بسكتة عن مرت خالي كاشفتلي يم كشافة تكللها مس قديم هو  سبب مرضها هذا  ...

باوعت لخالي ومرته صاروا يصايحون اكثر ..ظ