ضفائر صبريه

٩ جزء ثاني ...

م/ كل ما يذكر في هذا البارت الكاتب غير مسؤول عنه ولا يشمله انما هي حسب اراء وميول الشخصية و البارت مراجعت كل همي انشرلكم بارت كبل النت لينكطع

#قصة_ضفائر_صبرية٩
الجزء الثاني
وئام علي

" حين افترقنا بقيت عينان تنظر لك فرددت علي قسوة النظرات تحدي و حطام فدمار فاشواق "

ورى ما اخذت عفاف ومرت خالي وخالي لخضر ..

ودعتهم بالكراج وانة رحت لبغداد.. لان عندي

عندي ايفاد وهناك التقيت بصديق هو جبير بالحزب و اله مكانة بديوان الرآسي .

عزمني على مطعم ورى الغدة اخذني للزوراء ..

نمشي ونسولف و عنده حمايته من بعيد ...

ذبيتلي حجاية عليه على مود ابن خالي سهيل . بلكت اكو تأثير على قرار اعدامه حتى لو يسجنوه بس يبقى عايش يجوز يجي احكام و يطلعوه ورى كم سنه ..

- و الله يا مجد تدري بقيادة الثورة شنو هي ، الريس سجن ابنه و رلد يعدمه لان قتل بس لو ما اهل المقتول يتنازلو وكلة سجنه ..
تتوقع الريس حفظه الله ورعاه يتهاون وي المذنب اذا ابنه سجنه ها شتكول...

سكتت شحجي بعد هو انة و خضر مو على حال بس لسة حركة امه و بجي عفاف و بناتة شذنبهن يتيتمن هاي غير الحمل الطلعتلي بيه و ورطت روحها بطفل .

و الله يا خضر تستاهل تنعدم ميت مرة مو بس مرة وحدة بس شنو ذنب الي بركبتك و اهلك الي بيعتهم كلشي والي محتارين بيك وانت ولا فكرت بعواقب افعالك..

شوي و صاحبي تحمحم..

- احم.. مجد راح اكلك شغلة يمكن خلال ايام تنعرف ..

- كول اذا علي عادي ما احجي
- لا يول شبيك هي مو سر اصلا اكو جهات ذاعتها بين الشعب بس مو كلها تعرف بيها .
او محد مصدكها بس هي اكيده

- شنو هي ...

من كلي صفنت بوجهة شوية و ابتسمت ..

- عود صدك يعني اكيد...

هز راسة ب اي وابتسم..

من ورى ما زرت خضر صارت بيه حالة اباوع للساعة كل ساع مدري شنتظر ...مر يومين على زيارتي لخضر يمكن هاي الوداعية....

انتظر شي ما اعرفة شنو ...
ما كتلكم ....
خالي حطلنا تلفون ما ادري كتلكم لو لا بس نحتاجة كلش و تلفونة من هذا الجديد ... الي يكشف الرقم...

و كلش حلو وفيكة ....

اكدر اشيل السماعة وبراحتي اخابر و اتمشى ...

مو الا اكعد واكابل التلفون مكان واحد...

خابرت صاحباتي ما خليت وحدة تعاتبني بس ما اطول حجي ما اريد اصير ثقيلة وخالي كل شهر تجيه قائمة شكبرها .. كافي الرشاوي الي انطوهة حتى يطلع ابنهم وما طلع...