ضفائر صبريه

٣٨

#قصة_ضفائر_صبرية ٦١ حسب تعداد جزئين ( بالبيج)
الجزء الثاني
وئام علي

حني على من ضيع دفيء حضنك
ان اليتامى تشتاق ولو لطيف اسمه امي

بقلم وئام ....

ظليت انحب ...يمد ايده علي .. خاف عبالة مالي سند الا اخلي محسن يكسره ..

كمت وانة مهضومة ..

اخذت عباية راس ..
معلكتها من تفوت ستتوتة واسوك ...

مريت من يمه و بناتي صوتهن يبجن

ما اعرف ضربهن او بس رزلهن بيتنا اليوم انكلب كلاب ...

اي يكره جهالي على كرهة لابوهم .
ما تصيرلك جارة

فتت من يمة جان يشرب جكاير والنفاضة تارسها

باوعلي وبعينة نظرة شكو

صوت بناتي يبجن باوعتلة بغضب و رحتلهن

- شسوالجن المخبل .. يكره ابوجن
اكيد ضربجن...

هزت صبا راسها
- لا ماما وياه حق غلطنا و نستاهل يرزل ويسحب النقالات

ضجت ذن الثولات يحجن هيج اكيد ميردن يسون مشكلة بينا ...

بناتي وافهمهن مضحيات ...على مودي

كتمن قهرهن واضطهاده الهن

رحت لغرفة علاوي ..ويسار.

جان يسار يلعب بنقاله وعلاوي يراسل ويبتسم شافني كمز

- يمة دكي الباب كبرت مو مال تجفتين نفرض عريان نفرض جاي ابدل

صحت بيه
ورافعة حاجبي

- وليش تتعرين اكو حمام .. شعدنا قابل عرض اجسام..

ويامن تراسل

- صديقي ...

- امشي وديني بيت خالك ما اريد حجة يكول طلعت بهيج وقت وحدها .

سبقتة ورجعت انة وعبايتي ادرعم و مادة البوز لكيتة مخلي وجهة بين ايديه حس بية نزل جفوفة عن وجهة بقت تغطي الوجه للنص بس العيون ظاهرة.

صارلي ساعات مشمورة بغرفتي ما فكر يتفقدني ...

عيونة الخضرة بينت بيها لمعة بداية غضب

رفع حاجب ونزل ايديه و اشرلي اكعد

- كعدي نتناقش ...

باوعتلة مبوزة

- مجد مو مال نقاش مديت ايدك علي اولا وانت واعدني ما تلوحني ايدك وعدت تسعدني بس ما نفذت ...

لذا امشي شو بيت اخوي كبالي .

شنو عبالك تايهتلك

جر نفس وبهدوء كال

- الله بلاني بعائلة مخابيل .

تخوصرتلة

- شنو شنو ... انعم الله عليك بعد عمري هذا تريد تطلعني مخبلة ...