ضفائر صبريه

٢٦..ج٢.

امس نشرتلكم مشهد بارت ٤٩ و اليوم هذا البارت الكامل(  م/ للفيس تسلسلهم يختلف عنكم هم عدهم بارت ٤٩
#قصة_ضفائر_صبرية٤٩

اذا دخلتم ارض العراق اخلعوا احذيتكم انها ارض طاهرة سقيت بدماء شهدائها
--------------------
عدد كلمات البارت ٣٥٧٢

--------------------

بعد ما سديتة من مريتي الي حتى بالواجب التهي اراسلها ... بدلت واجب

و رحت لكيت جماعتي مسوين كعده ...

جان كاظم يغني ... لو يهوسون يقضون وقت ما جايهم نوم...

اجة واحد من الجنود يمي

- محسن باجر المهمة

باوعتلة

- اي باجر    ....

- التحقت و مرتي زعلانة علي راضيتها بقت زعلانة لا ودعتني لا راضتني

- خابرها محد ضامن باجر ...

- مترد شسويلها

- الله يهديها

- كدرتم الملابس  نحاول نخترقهم ..

و نفتح منفذ

- ان شاء الله

كام جعفر . 
- محسن انت ابا صعيلقة.

ضحكت على تقليده
- ههه ايا صعلوك ...

كمت و رحت لبست لبسي الداعشي واني ادرس المخطط الي انطونا ياه

باوعت لجماعتي و خليت جرجف جوة الزي و شديت
- ايها الكفرة جئتكم انا الامير ابو ثرب

ضحكوا وانة احركلهم  كرشي الي هو انتفاخ الجرجف ..

و اقلد على داعش ....

- و الله نشعلهم باجر عبنا زلم الا نحرك شيب ابهاتهم

- حياك يا ابا قحافة ..

- انجب انة حسة محسن ...

- محسن والنبي اذا حسوا ولزمونا  يسونا  طشار على لهجتك هاي تنعرف من العرب ...

- ساتكلم الفصحى الي موش  تخليهم يكشفوننا

ضحك جعفر

- حب طير ..  الي موش تخليهم شسويت الفصحى ... شوف  انت تسكت ...

هههه اخرس ... مسكين

وانة على فراشي كلبت الاميل شفت الحمد لله قصص عادية
و كل الامور تمام

فتحت اراسل بحبيبتي

- جلولتي جلال لك جلال مشتاق والنبي شيجيب الاجازة

- محسن و الله استحي هسة تدخلي دروب ملتوية و تشبيهات كهربائية

لج راح اخابر ما اتحمل بس خل اطلع منانة والنبي هذا رفيجي سطرني يشخر