ضفائر صبريه

٢٤ جزء ثاني

#قصة_ضفائر_صبرية٢٤
الجزء الثاني
وئام علي ام مصطفى ..

شايف من تحب انسان
بس ما تكدر تكلة

تفرفح روحك من يفوت
منك وانت تنظرلة
خصوصا لو يسلم عليك
هنا العلة و الذلة ...

٠٠٠٠٠٠٠٠٠٠٠٠٠٠( ٨٧٤٧كلمة يعني قريب ٩٠٠٠ كلمة و تفاعل اقل من المشاهدات  للاسف )
لهجة موصل مو الكل يعرفها فاحيانا مثل كلمة ريال ( رجال ) الي كلمة عربيه هي اكتبها هيج واحيانا صح هم بالمصلاوية اكتبها غجال واحيانا رجال بس اذكركم اكتب ترجمة مو اللهجة لان اللهجتين ذن متعبات خاصة مصلاوية

نبدأ البارت بعون الله....  .

❤❤❤
مشيت بالنادي بثقة جبيرة لمحل الملابس اخذ هدية للعرسان . 

و هناك تلاكيت بحسين

- عفاف ؟ .. 

شوي صوت وراه
التفتت

- صياح ؟

جان هو وحسين ورجال حماية

حاجة حسين
- وينك وين رحت ادور عليك ... شغلتك مكضية رفعوا عنك ترقن القيد ...

سكت من شافني
- ام علاوي . 

- بعد اذنكم عندي محاضرة

حاجاني حسين
- والله يا خضر متت و حرمتك تلعب شلم بلم جامعة و هذا الجان يحاجيج منهو لا بسيطة عبالج مامش زلم تردج...

صوت صياح سكتة
- ام علاوي النا حجي ... اليوم امر على محسن وامج حتى تصير رسمية

باستغراب

- شتقصد ؟
- مو هنا الحجي حسن شغلتك مكضية تفضلي مدام عفاف كوعدي هنا نسولف.
اشر على طاولة . 

رفعت حاجبي

- لا بلة ... روح عيني عندي محاضرات ..

- تعاي لعد نحجي عادي ضربي محاضرتج...

ردت اروح بصلافة كدام الطلاب كض  ايدي جرني لطاولة ...
نظرات الطلاب المستغربة ..

- استريحي

- الي بيني وبينك ثار ما انوخذ ودم هم  الك عين جاي تتمرجل علي لك الاكبر منك مكدرلي

ابتسم وهو يتحسر

- شفتي الدنيا شكد زغيرة .. جنت تغارين من صبرية .. جنت طفلة قبيحة بنظرنا ... اسمر وحدة ... جنت اتونس من اشوفج تنسحلين منا . 

سبحان الله مجد عشقج .. و خضر تزوجج واني هسة ادك بابج...

رفعت راسي بغرور خاصة من كال ...

- مثل افروديت او فينوس مثل قول الرومان الهة العشق الحب الجمال .. و عند قبرص الهة الحرب تنطبق عليج كل هاي الصفات ..

انت خلقتي للحب و الحرب امرأة قوية محاربة ..

انغريت كلش ليش لا فعلا اني جميلة و كلها تتمناني بس الا هذا اخذلي نعال حشاكم ولا هذا الملعون عفتة يصبغ و يتغزل عبالة عفاف قبل التتمنى منهم التفاتة او احد يمدحها و يكول عفاف احلا خواتها هة الزمن غيرني وعلمني دروس.