ضفائر صبريه

٧

#قصة_ضفائر_صبرية
بقلم وئام علي
نور القمر

-----الحلقة ٧------

باوعت لصياح اجت عيني بعينة رجعت باوعت لخضر اباوع بوجوهم و بلعت ريكي وبالي بلي شفته ..

- جدو اعرف منو حرك البستان شفته الحركة هو

استهزء خضر

- بلا فيالة روحي نامي، ترى ما ناقصينج هلكانين تعبانين.

اجت عيني بعينه و رجفت شفايفي و غازي يكلي

- وانت شطلعج ووين شفتيه اذا فيل من فيالتج موش وكت تطيرينها الناس منهوبة متدهونة ومدولبة ..

من باوعت لاخوي اجت عيني بعين صياح ومرة على خضر جانت بينهم نظرات تتبارز و تحدي

- لا شفته.. و الله مو كذب حتى جان متلثم واني خزرتلة وهو يتوسل لا..

عضيت لساني هسة شحجاني لو ساكته احسن..

صاح جدي بأمل يعرف منو

- منو بتي؟ احجي بوية ووين شفتيه وانت جنت نايمة !

- لا جدو جا انت ما دريت مو اني ما جنت نايمة جنت ضايجة مخنوكة و افتر بغرفة واباوع من الشباك وجان . جان الحرك البستان هو متلثم و شفته كبل لا يغطي وجها هو ..

سكتت بخوف وبلعت ريكي ومضات بعيوني واني اباوع مرة لخضر و مرة لصياح ارجع لجدي وارجع لغازي.

لمن استقرت عيني على خضر من سمعته يحاجيني
- شبيج هيج صفرة؟ اجتج الحالة ؟

حسيت بروحي تنسحن ووكعت بالكاع خربانة ( مغمي )

صوت حجي و رشة ماي على وجهي فتحت عيوني و صرخت
- لا اااا جني هو الي اجاني يكول هذا بستان اريده الي بس اني ما قبلت انطيه جان يكضة ويحركه اي جدي شبيك لا تباوعلي هيج اصلا هو الجني الملثم ذو العينين الساحرتين ابو طلسم المدهرب هيج جان

وكفت وانة متحمسة وخايفة اشمر بيدي واشرحلهم مغامرة حفزها عقلي وي نصف حقيقة شفتها بس بوهم و مبالغتي ضاعت بين كلماتي الكذابة بسبب الخوف ...
رحت يم خضر ...

- وانة بصراعي وي ابو طلسم المدهرب ذو عينين ساحرة تسحر كلشي و تحرقة جان اضربة هيج ببطنه .

ضربت خضر بوكسي اطلع حركتي بيه مال خطبته لأختي.

- ضربته هيج حيل، اي بوية جدو خضر الماهود عساك ما شفت عيونة جا هو من ضربتة تعصب بعد جني

عصبي اسم الله عليكم كال ولج عفيف تضربيني ولج انة جني ابو عيون حراكة حركت بس بنظرة من عيني البستان الا احركج هسة .. والله جدي شبيك تباوعلي

هيج فاك حلكك عبالك اطير فيل لا يا حجي جريت لثامة وجان اشوف وجهة الله لا يراويكم ياه يبووو من وجه على كولتكم موش بشر ملاج و نازل بس والله جدي بكلبة جني يلعب لعب.