ضفائر صبريه

١...جزء ثاني

#قصة_ضفائر_صبرية١
الجزء الثاني ...
بقلم وئام علي...

فرحان جنت بدنيتي و ما اعرف شنهو العلة
يلحيرتني و كمت احس فركتك حيرة وذلة
ما ترجع يجوز اقتنع بس الكلب شكلة
كالولي ربعي شفاركت
كتلهم الماملة

مشتاك كالو دنكت ....
كالولي موت ما متتت...
كتلهم انة تعذبت ...
كالولي موت احسلك...

*********حال خضر وعفاف في فراق الاحبة ..

من شفتة ناوي ينهي اخر امل الي ناوي يتمم الزواج..

تحولت لشرسة...

جنت ارفسة بجانب وجانب امشع شعره و ازلغ بوجهة ...

بالممر ثنينا بصراع.

مدري منين جتني قوة مدري منين شفته مكدرلي رفستة بين رجليه و خليتة يتكلب ...

متأذي ركضت للغرفة وانة اريد اقفلها بس حسيتة يدفع بالباب ..

صرخت .

- صوتج ادب سز ليش ترفضين زوجج اجة وقت تحملين ابني اجة وقت احقق حلم صابرين ينولد علي..

وسعت عيوني ابد مو عاقل..

- ولك شلي غرض جبرتني بشي مالي غرض مو انة الخبرت غازي ...

و بعدين صابرين تريد تسمي ابنها علي الي جا ولدتة هي لو ما غازي يقتلها اني شكو تحملني وزر مو ذنبي ..
و تعاي تحبلين بعلي...

باوعتلة بحذر مو طبيعي...

خفت من الجنون و الهوس الي بيه حسيتة يريد يتخذ مني نسخة عن صبرية ...

- شبيك خضر حكم عقلك.

- قصدج انة تخبلت ولج ما اطلع الا اخذ الي اريده واقضي على امل بيوم تكونين لمجد

مثل ما ساهمتي بحرماني من صابرين اجة وقت احرمج من مجد ..

ظل يدفعني وادافع وياه ابد ما ضعفت همتي ..

صفن بيه شوي ...

- اكيد صابرين هم مثلج حاربت صياح بكل قوتها لمن كدرلها ..مو ؟ صابرين ما خضعت بسهولة احجي؟

باوعتلة بخوف شبيه ...و تهسترت اصرخ بكل كلمة بوجهة

- ولك شمدريني قابل جنت وياهم لو جنت موجودة ما اخليه يغصبها افزع الفلاليح وكل الناس واسويه فرجة بس هذا قدرها

خضر عوفني انة مالي ذنب عوفني..

كضني من ركبتي ..

- لا عبالج ما اكدرلج ترى اكدر بيد املص ركبتج بس مخليج براحتج اشوف بيج صبرية وهي تقاوم صياح .

اعرف صبرية ما تخضع لاخر نفس بقت بس تبقى مرة ما تكدرلة وانت هم هيج

لازم تعيشين لحظات اغتصاب صابرين لحظة بلحظة هذا اول عذابي الج و ما يشفي غليلي...