ضفائر صبريه

١٤ جزء ثاتي ....

#قصة_ضفائر_ صبربة١٤

الجزأ الثاني
وئام ....
البارت ٣٢٢٤ كلمة ... الي يطلعلة بارت ناقص او كلمات مكررة يحذف القصة ويرجع يحملها حتى تتحدث لان احيانا الوات يخربط

" في داخلنا مجموعة من الانكسارات نأبى البوح بها "
--------------------

- الله يساعدك يمة

- الله يساعدج ..
سلمت هم عليه وجهالة ركضولة يردون منه حلويات الي يجيبها كلما ينزل من دوامه.

باوع لمحسن وكلة ..

- كوة محسن ..

- الله يكوي حيلك...

- محسن الجماعة الي عايف قريتك وجاي على مودهم اتركهم ميفيدوك هل كفرة...

- ليش شبيهم ؟
- ذول بجند السماء جماعة اليماني انت شكو تفتر وياهم اصلا عليهم مؤشر اكس و احتمال ذول كلهم يعتقلوهم بس تجي اوامر .

انت تدري شنو معتقدهم ذول حركة تشويه المعتقد الشيعي و قتل المراجع والاستيلاء على النجف بس احنا الهم منخليهم..

اسمع محسن انت شاب توك طلعت من البيضة و صيد سهل لاي مغرض اسمع كلامي وعوفهم...

- مجرد وياهم امشي معندي ميولهم

- اها ميولهم؟ سمعتي اخوج عفاف ... يعني يعرفهم شنو ويمشي وياهم...

- اريد اقنع صديقي انو خطا اريد انقذه...

- محسن هذا صديقك اذا يعرف الله جان ممشى بهذا الدرب اليماني و جند السماء ذول بيضة ابليس .. و فد عليهم افكار طايح حظها .

كلة تسقيط لمذهبنا و عدهم طموح جبير يقتلون حتى المراجع.....

- بديت اقنعه...بس اريد وقت

- يارب شحجي وياك شتريد وقت الحكومة ناوية تصفيهم .. عفاف شوفي صرفة لاخوج لا اتصل بابو جواد هو هم اخوه خل يسوي حل لا هم تجي تايهة ما بينا شكلك اخو مرت الضابط خضر كافر بجند السماء.

هنا هب بوجهي محسن...

-حدك لا كافر لا يحزنون و بالنسبة لصباح متبري منه مو اخوي فاهم مو اخوي اذا انت بعت دم صابرين انة موش بايعة .

الي مسكتني امي ام حمدية حلفتني اعوفة لان هي ربتني تعتبرني الولد الوحيد عدها ع سفطة بنات..

بنضراته الي وسيعة خزر خضر
و خزرني وهو يعدل بكذلتة الي بدة يطول بشعره حسب المودة ...

اخذ غراضه وطلع وانة اركض وراه

- خوية محسن عليك بشيلة امي لا تضيع ما بينا حيل عوف هاي السالفة ...

بس طلع وركع الباب وراه..

مرت كم يوم و جان بيوم امي تجيني .

- اكلك خضر هاي مرت خالك نجم خابرت

- وراها علوم اكيد شتريد؟