ضفائر صبريه

٢١.جزء اول..

#قصة _ضفائر_صبرية ٢١ جزء اول

بقلم وئام ام مصطفى

البيت وحشة وراعية مامش ..

اظلم يخنك .... هذي كلمات كل واحد يفوت من يم بيت راضي القرناوي ...

يصفك بيدة ويكول

- حسافة الصار بيكم والله بيت وانهجم على راعيه...

فاتت مرة وهي محملة كوار حطب وكفت تباوع على البيت ....

دنكت وجرت حسرة

- الله لا ينطي كلمن هجم هذا البيت ..

بطلعة منتوبة وهي بيدها محسن ترزل بيه

- انت خبل ولك جايني شارد من المدرسة ... امداني الوادم تتحسدني عبن خلفت ولد ..

وكفت المرة وذبت كوار الحطب يم رجليها و مكدرت تسكت

- ام غويزي .. على شنو متحسديلج على هجمان بيت رجلج..

- وانت منهو يمج و صيحيني ام صباح جا شنهي صباح موش بعينكم صباح ازلمة سودة علية ما اعرفن وين صفة الدهر بيه اخوه ما خلى مكان يعتب ما دوره..

- الله يعينكم جا ام حمدية وين شو مامش

- المرة راحت لهلها بعد شعدها هنانة هي خلفت بس بنات ما وراهن بس العار والمصايب ..

خل تعرس بتها الزغيرة موش احد ياخذها من بعد عملة ذيج البرصة (الحمرة)...

- و الله يم غازي ما اصكد ابد هاي صبيرية الي فنة يحاجيها زلمة ولج صكر شكد راد من يفوت يذب حجي والله اشوفنها تهد عليه بعصة الغنمات بس الله ينتقم من الي جاسها..

تدرين امس زنيبة بتي مشت غادي لليرف والله بس كلولي كطعتها تكطع عبن اخافن تنسطي مثل صبرية الله يرحمها...

- اححح يمعودة حجينا نصحنا جانت تمشي وياي معاند شفتي حوبتي هاي عبن مجان امها وانصحها بس كله من امها موش مدرستها تسمع حجي الناس التفهم..
يخيتي ديربالجن انتن صاحبات بنيات لا تسود وجوهجن مثل سواد وجه ام حمدية ..

- والله يخيتي هسة تنكلب بينا الدنيا صارت موش مثل كبل مامش خيرين و حتى الولد يخيتي شتحصلين منهم تكبرينة ويروح لحظن مريتة لو يمشي وي ربع موخوش وتالي تصفكين ايد بيد ...

- عيوني انة انبهنج وانت كيفج الولد يبقى ولد موش
مثل البنت عار ..دربالجن يعمي على بنياتجن بتج اشوفها تروح مناك شعدها ..

- لع شلون تروح و الله بس هيستها( حسيت بيها ) راحت هناك كطعتها تكطع يمة سودة بوشهي بنيتي ينسطي عليها جا غير اموتن بس خية انصحنج كولي هاي صديجة موش عدوة واسمعنها خية لا تحجين بشرف بنيات ريلج (رجلج) عبن بوجه ولدج عرضهم يخية خلي بطنج تشيل ما تنفض حجي عايني هذا الجاهل