ضفائر صبريه

٦ جزء الثاني

#قصة_ضفائر_صبرية٦...
الجزا الثاني
وئام علي

وهنا بدت مرحلة من حياتي وي خضر..

اروض الشر داخلة واعدله مثل مكتلكم مستحيل اشتت التوام الي ببطني ...

اذن لازم اقشمره بكلمة ولمسة حتى اصير اني كلشي و يسمعلي

عيني على الساعة واني متجهزة اليوم نطلع ...

دخل و كالعادة شاف خالتي دار وجهة عنها

باوعلي بعين ونص شفت التراب يملابسة عرفت وين جان

صبرية ...

اوف .. اوف من يروح يجي حاقد علي .. يعتبرني سبب موتها

بس اني الك خضروه ما تعرف عفاف اني بجرائتي اعلمك . هة متكدرلي

دخل للغرفة تبعتة ...

مشيت كدامه واني اتعمد امشي باغراء..

درت فجاة و بحركة بحلكي مغرية ابتسمت ..

تموعت بحجيي
- حبيبي فوت اسبح على ما اجهزلك الاكل شلون عشى مسوية ..

تقربت على كيف وانة اتعمد اهمس كلامي همس

وكفت كباله ...

و همست قريب منه شفت وجهة تغير ويبلع ريكة داخلي هنيت نفسي كدرت اكيد بيه

- اكيد تاكل صوابعك وراه

شفتة عينة على شامتي وهو يهمسلي

- شمسوية جوعان كلش وتعبان

رفعت ايدي و بصابيعي حظنت وجهه
- خفايف ادري انت ما تحب عشى دسم وثكيل...

- اي .. احم اروح اسبح..

حوطت ركبتة و انة اتموع و اتغزل

- مشتاقتلك.. حبيبي انتة ... روح على ما اجهز العشا

حظني حيل وحسيته يريد اكثر من حظن

- ما اريد عشا اريد اول احلي بيج

ضحكت وجريتة ...

- اسبح هههههه تعال اليفك بيدي ...

حسيتة متعجب شوي من غزلي ودلالي ...

باس كصتي

- خاف اتعبج..

- ههههههههه لا انت طفلي و زوجي و كلشي .
اموت بهل عيون

- اكيد تشاقين روحي حظريلي العشا على ما اسبح

بس اوكفي اول احلي بالشفايف وهاي الشامة .

-----------

دكة على الباب راح اخوي نجم فتحة اسمعة يطرد محسن..

- روح لامك منعول صفحتك المن جاي

كمت كوة مريضة مامش حيل عندي بعد...
- شنهي نجم مو جني اسمعت محيسن هنانة