ضفائر صبريه

٣٥..

#قصة_ضفائر_صبرية٣٥..

الجزء الثاني...
وئام علي...
شحسبالكم ...
فترة ونسينا العشرة ياهو الكالكم
يومية اشر خدودي من تطلع شمس
واستقبل الليل بنياح انعالكم
واصفن واحطكم مملحة برف الجرح
وبالي يومية صوركم تنمسح
من التراب امسحها خلوا بالكم
ناذر نذر لليعتني فنكم شني
احمي رمل سجتنا واتحفالكم ..
------------٤٧٤٢كلمة علقو ع كل فقرة ترفع من القصة وتحميها

شوي واجة من غرفته مستغرب

- يمة موش شايفة  محفظتي

- لا والله يمه ...

جان مبدل لابس كابوي و بلوزة برزت عرض جتفه صح مو عضلاتة مثل ذول الي عبالك تطك من النفخ بس مرتبة رغم نعومة بنيته للناظر اله دون تركيز بس هو طولة حلو يعني اطول مني بس مو مثل طول ازواج خالة عفاف خضر والثاني مجد ..

بس عموما هو كاي ريفي يمتازون بقوة البنية و  بالنسبة اله يميل للطول ...

صفة الريف بالبصرة نادرا اكو يميلون للقصر او للربع اي معتدلين الطول الاغلب طوال ضخمين او ميالين للطول....

ظليت ...مصفنة بيه وبعطره الي يسبح بيه واناقته شعره العالي المرفوع لفوك...

زادني خبال .  حبي لمحسن جنون . 

بس ما اكدر اعيش وي واحد تشاركني بيه مرة

كرامتي الي مسها ...

تصرفاته خلتني اكرهة ..

كمت ما اعرف كرهي من حبي اله بس كل الي اعرفه كد ما جرحني ارفض عشرته

انتبهت من ايده على جتفي ويسال مستفهم

- اكلج عود موش  تعتبرينه اتهام رغم عندج سوابق بس ترى اشكن محفظتي يمج عبنج حاقدة على العلوية تردين تتهمينها ..

- مو عندي روح لعلويتك وين ضمتها 
-مامش مدري منهو ماخذها   شايفة هسة الفلوس فدوة بس هويتي ..  وبيها وصولات موش الية ...

كمت و عصبت

-لا عيوني تريد تسال اسال مرتك قابل   انطيتها الي اضمنها الك  ؟ اكيد لا رغم اني الزوجة الاولى فضلت مرتك تضمها مو اني .  انطيتها لبيبي لا .. روح اسال الي ضمها وين ضيعها شكو جاي يمنا
اصلا احنا هنا ما انريدك روح بيتك..

جر نفس وباوع لبيبي

- حليها يمة ... ترى صايرة جليلة  تطول لسان وتصيح ومرة تكلي حيوان مرة تتجاوز  وعدتج موش اجسرها واعوفنها عبن تكولين متاثرة و متكأبة وتخافين تنتحر بس مو جنها راح تستغل هاي الناحية حتى تسوي مشاكل ..

وموش ناسي تعيرني عبني  اعرجن وزين بقت يمي  بس اكولن ميخالف محسن كبر عقلك ادبتها  بمرة و حكها تعصب بس للصبر حدود يمة شتكولين ؟
. ...موش محسن الي يتعير يمة .. بس ساكت اكولن مريضة وتعبانة نفسيتها ...