ضفائر صبريه

مشهد نهاية بارت اليوم

للي يسهرون البات قد يتاخر ليلا او ب ١١ او ١٠

#قصة ضفائر صبرية (مشهد )

ادعيلي اموت عليك موت الله  اكرهه
رفعة جفوفك هاي عندي شكبرها
يلعفتني ستعجلت خايب شجاك
حاط الله ويا الاجة مني وخذاك
التفت شوف جنازتي تصيح وراك
انت عايفلك بشر ميت عليك

صوت ارتفاع تنفسها موش مبين  خير

حركة صدرها تتلقف الاوكسجين عيون ذبلانة مفتوحة للنص بصورة مو طبيعية

واكف بباب الانعاش وانة اراقب ...

ملامحي وزغبات من لحية .. موش توحي  انة عريس

انفاس مرة تهبط ... ونبضات تنخفض  صوت الحياة من جهاز النبض موش مبشر بخير

تقربت وعيني على عيونها . 

رجفة بداخلي... رغم عشقي الج موش كادر وياج استمر

بين فكري الموت راحة الها .. وبين فكر شلون بعد موش اشوفن هاي العيون الي اسرتني من اول يوم

- محسن يمة الدكتور ظل يحجي ممنوع يمة اطلع موش يقبل كل ساع جاي ورايح

- يمة تموت ؟

رفعت ايديها شبه دعوة
- بيد الله وليدي موش هذا العرفته انت موش كادر بلياها ... ياما نصحت تسرعت ابني ..

كعدت امي  وهي تندعي و تتلو الي حافظتة من الايات

موش متحمل ابد .  

وانة اسمعن صوت تنفسها    المتحشرج مثل صوت وغف الصابون من تحركة ...

التمت الدكاترة وطردوني برة ...

وكفت وانة كل الي اطلبنه تستقر حالتها    ...

بس  صوت صرخة امي .   .... .

خلتني اركض للغرفة ...  ازلك بالرخام اكومن ...

وانة احس هنا مات نبضي وقلبي وكعت مغمي علي   ....