ضفائر صبريه

١٩...

#قصة_ضفائر_صبرية١٩

بقلم وئام ..

نزلت و انة اباوعلة بالحديقة وهو بعينة نظرة

- صايرلي مسؤول ترى تعرف انضمامي لاجل شنو وناوي اترك

- اسمع خضر اسف بس البقية بحياتك وصلني ما اعرف شلون اكلك بس هاي اعمار منملكها و ...

- شبيك محمد؟ ..

كلبي يختض وانة احاجيه ما اعرف شبيه وليش هيج يحجي ...

و من كالي ....

مثل المخبل ركضت للشارع وهو وراي

- وين رايح هيج اعقل هاي اعمار بيد الله وهذا وصل يومة ...

باوعت لملابسي ..

و رجعت مثل الدايخ موته سطرني كلش ...

صعدت و صبرية اجت وهي بيدها صحن الكرزات...

- تعال مو كل ساع نازل ..

نزلت دموعي وانة اواجهها ..
- صبرية ...

- ها يبعد طوايفي شبيك يع انتة تبجي شنهي شصاير ...
حظنتها وانة انحب وهي صاحت .

- منهو مات عليك العباس كول بس لا ابوية مات احجي عليك بداعة ابوك..

زاد نحيبي وانة بين احضانها اريد اجر نفس ما اكدر...

----------

بطريقي من الريف للمدينة ...

نفس الريحة المميزة وي تربة الخصوبة وصوت الحلال

ضحكت من كلت حلال صرت احجي مثلهم ...

عيني على خالي فرحانة قنع غازي ارجع يمهم كم يوم لان مكدر اعوف ابوية ...

و غازي من شوي موضوع صبرية انسد انشغل عنا بطموحة كمجاهد باسم البلد او مدري شيسمونة ...
و التهى بالعمليات السرية الي ينطوه ياه و هم يدور اخوه مختفي ... من فترة ...

انتبهت على خالي ...
يحاجيني ..

- خالي الاسود ذبيه بابا .. اختج راحت لربها ارحم من هذول البشر و ابوج بقل هو الله احد عايش هم موزين فال مو حلو عليه....

نزلت دموعي..

- خالوا امي تكول احترام للميت و الماتن مو بزونة هاي خواتي خالوا لسة مدارت السنة ..

امي تكول عرجنا على بيت كاظم اذا ماتلهم ميت يجر وراه خمسة ستة ...

- امج الله يهديهة حتى الموت عدها يجر ... بنتي هذي اقدار وكلمن و يومة و من تجيه المنية محد يكدر يأخرها...

- والنعم بالله .. خالي بالي يم ابوية امي هدتها المصايب ما الها قوة ومرته جسره تكعد يم راسة وتهددهن تكلة بتك عار وماتت و ما غسلت العار وخليتنا منتواجه وي الناس ..