ضفائر صبريه

٦

#قصة_ضفائر_صبرية ٦
بقلم#weaam_ali

(نور القمر)

الحلقة السادسة

وصلت حسب الوصف شفت شاب مملوح سالتة كلي

-وصلت

- اريد حجي خضر الماهود  ..

باوعلي مستغرب وراح صاح الحجي طلع ووياه ولده عينهم علي ..

- سيدي الضابط  خو ماكو شي؟ .

دنكت و دمعت عيني بس مبينت ظليت ارمش وكتلهم

- جايكم من طرف  بتكم نبيلة ...

العيون علي احتدت و ركزوا بيه اكثر اربع عيون جانت صافنة مبينة تسترجع ماضي بس عيون حجي خضر و خالي سهيل زادت قسوة .. ..

رفع الحجي عوجيته ونخزني بصدري ..

- انت  ابن حامد مو ؟

شفت بخارطة وجهة و تعرجات ملامحة دكنه مثل غيمة و نزلت عليه غطت  وجهة الابيض .

هزيت راسي ب اي  و بعناد كلت...

- ابن بتكم يا جدي .. نبيلة الي ما فكرتم تشوفون شحالها و شجرى الزمن عليها ...

عيوني تتنقل بيهم ..

رجال عجوز عرفته هو خضر الماهود ... و اليمه لسة اذكرهم من جان عمري ١٢ سنه ...

جنت جبير فاهم من طردوها ...

تدرون صعب علي اجي الهم الكرامه و الكبرياء بس شسوي لأمي من مات ابوي تنوح تكول راح العفت اهلي على موده ...

دين ابوي هلكني و هلك امي ...

و تلح علي اروح  اكللهم  على الامانه اليمهم ...

من مل عقلها يعترفولها بيها ..

بس كرعت راسي يوميه تبجي لمن تسلهم بين ايدي لو لمن يغمى عليها .. فوك الدين وراها عملية .

باوعت لخالي الجبير الشيب تخالط وي شعره  الاسود وتناثر بكل مكان من راسه.

نزعت بيريتي و عصرتها بيدي واكف ويباوعولي واباوعلهم .

- المن جاي  دزك ابوك مو لو امك ولك انة حجاية وحجيتها ما يطب بيتي لا حامد ولا نبيلة ولا نسلها ما دامني عايش...

جريت نفس
- امي دزتني على الامانة يمكم تكول  الي طردتوني بسببه مات ردولي حكي ورثي من كاع امي البعتوها و نكرتم علي حكي هي محتاجة لو ما الحاجة ما رجعت طالبتكم ..

ضرب خضر عوجيتة بالكاع وكال

- اي حك بوية مالها حك يمنا نست رجلها من باك فلوس الشراكة و نكرها على سهيل بوية فلوس كاع امها صارت لسهيل ..

- جدي بس هذا ظلم هي شنو ذنبها اني اعرف كل السالفة خالي انت مو خسرتم تتحملون الخسارة سوى ليش تحملها لابوي  يعني طالبتة براس مالك الي شاركته وياه و تريد يتحمل الخسارة وحد و من امي اجتكم تريد فلوس ورثها ضربتوها سبيتوها طردتوها لان ما قبلت تعوف ابوي بشدته وما قبلت لظلمكم.
الغلطة غلطة جدتي ام امي من خلت الكاع بسمك