ضفائر صبريه

تكملة بارت سابق

تكملة بارت ٣٨ بالبيج تكملة ٦١ حسب تسلسل الجزئين

طلعت برة

و بيدي جكايري وشهكة بجي نحيب صعب افارك امي

كل تماسكي كدام الناس موش الا مظهر انة قوي بس داخلي ملجوم مكسور منهار

رحت بين النخل حضنت وجهي ابجي انحبن بعيد عبن موش رايد احد يدري

الوحدة بين ناسك تكتل وحدة و غربة

تمددت بالبستان كبال بيتنا بردان يتيم

مامش حضن امي وحنية امي بردان عبن زمنا اغبر موش منصف حدن( احد)

كضيت ليلتي بالبستان .. متفرهد من دفوا حظن امي.. .

وي اذان الفجر ..

صوت حمدية

- نساوينك فكدنك وجيت ادورنك يع خوية صكد جذب ....

نايم هنانة

فتحت عين تعبانة .

و لحيتي الي مبعثرة وشعري الي هو اصلا اني مرفوك لفوك طويل . وهسة طال دون ترتيب متبعثر ..

وي طيب تربة كيعانة ..

كعدت متربع و مترب .. من نومتي كعدت خيتي يمي حضنتني

- يا خوية يبعد كل طوايفي شجاك خوية موش ابن امي الي هيج ينهار .

خوية كوم اسندنك

هي مرة و عجبني قوتها .. عبن اعرفن شافت الظيم قوى كلبها ...

زواجها الاول وظلمها وهي كلها ١٢ سنة تهجيرها عن كيعانها وارضها و بهذلها زوجها ببيجي بكاع غرب

الطائفية وتذبح ولدها ورجلها و اجت شاردة بكل رويحتها .

صنع منها مرة موش ضعيفة تنهار مرة قوية .

اجتني بكامل حشمتها وبوشيتها التغطي وجهها وهي تسندني .
اكومن صوت وليد الي امرها تدخل جوة وهو يدخلني عبن بدت الناس تطلع لكيعانها

- فوتي جوة يالغالية اني اجيبه .

ببجية كالته

- خيي موش بخير

- اني ادخله مابيه شي روحي انت..

سبقتنا ووليد يدخلني للبيت ارجف عبن بداية شتة وبرد...

شغلت معصومة الهيتر .. .

كعدوني يمه ...وانة ارجفن ....

ركضت عفاف جابت بطانية ولحاف...

المزارع هي اول من يبين بيها برد شتا ...

اتراجف جوة البطانية ...

حمدية تمسح بدموعها

- خوية شنهي لفاك وهيج تنام برة .. سودة بوشهي.. (بوجهي) خايبة جليلة وينها .
ولج جليلة ...