ضفائر صبريه

٤...

#قصة_ضفائر_صبرية٤
الجزء الثاني
بقلم
وئام علي واتباد @weaam_94ali
الفيس ... weaam ali .....
مسؤولة عن تعليقات و نشر بيج مقهى الروايات والقصص و الخواطر ومسؤولة عن حساب واتبادي 👆👆 فقط
علقوا ع الفقرات ....

الليل اعد محبتك بس باجر اتزود اكثر
صدري حفر بيه خنجر مكطوع شريان ابهر
يندفع شباج الجفا وبالروح شي يتكسر

انة اؤمن التهواه صدك تتنخة  بيه من تعثر ..
روحك عليه تتكدر تنشف لحد ما يخضر

بس انتة ردتك من جنت ما بين الاحلام افتر
ما دامك بحضن الجفن جف النظر خل يكصر

عنك ردت مرة ابتعد والغيض بفكاري ابحر
و تراجعت نفس الوقت من حرت بيش اتعطر
يخفت ضواي و ما يضل لو شوف الفراك يكصر ...
و الليل يشمت هوى بخيط الشمع من يصغر

❣❣❣❣❣❣❣❣

رجعت للغرفة وعيني على عفاف الي تبجي و هي كاتمة صوتها بيدها لا يطلع لبرة الحجرة ..

كعدت على الجرباية ما اعرف ما احب مرة تبجي بس وي عفاف من زغر اداهرها وابجيها ...

- احم كافي  شكد كأيبة ما اريد علاوي يطلع يتبجبج ...

- خضر خايفة انت تمشي طريق حرام...

- انتم السبب .. حمدي ربج بديت اتقبلج يمكن الشفعلج الي ببطنج.. و الا ما انسى ابد ابني ومرتي انت الوشيتي بيهم لو ضامة السر ما وصلنا لهنا ولا تلكيني مكابلج..

كعدت وهي رافعة راسها لا ينزف خشمها..

- خضر مثل ما كلت عندك طفل بالطريق فكر بيه قبل اي تصرف واليسلمك هذا صاحبك ترى دوار مشاكل ..

ولك من جنت تروح و اضطر اطلع اشتري يتبعني و يذب حجي لو احسة يريد يلمح لعلاقة ...

تدري جنت خايفة لا يوم يفوت علي و يسوي اليسويه..

- اهوووو  ردت ريمة لعادتها القديمة اكيد فيل  من زمان ما مفيلة علينا ...

سكتت ...

و رجعت نمت بس هل مرة على جانب حسيت الالم راح من راسي و خشمي....

شفتة عينه على السجادة بعدها بالكاع ...

جر حسرة  و مدنك ..

ايدة تلعب بلحيتة المخففة .. 

ميلت راسي اباوع لوجهة الي مدنكه .. ايده على الجرح ..

و عيونة احسهن مو يمي بالغرفة غادرت هناك..

حسيتة جفل فجاة ورجع ورى وربكم جا جفص ببطني انتبه لروحة وكام ...

- اسم الله شبيك فزيت كمزت هيج..

رد بصوت مبحوح..

- ماكو شي... تذكرت شغلة..

عرفت شذكر عرفت شيريد...

عرفت وين تفكيره

غمضت عيوني عفتة وي هوسه و جنونة الي سكن التراب...