ضفائر صبريه

٢٠ جزء اول

#قصة_ضفائر_صبرية ٢٠ من الجزء اول ...

بقلم وئام ام مصطفى ....

بس مكدرت اصدك لاني من موالين صدام واعتبرت الموضوع تشويه..

رغم داخلي اعرف هذا الشي موجود...

و ما خلاني اتراجع عن مهمتي وهو كشف المفسدين ميهمني عدي شنو كل الهامني وطني ...

و انة ببيتي بالبصرة اباوع على خريطة و معصب كلش بعد تلفون اجاني بخصوص صياح وخضر . .

من نزل خضر وهو يباوعلي...

رحت جريتة من ياقتة حيل ردت اخنكة ..

- وين صياح...؟ كلب احجي مال تضيع تعبي مال شهور ما اقبل ....

- هم رجعنا لنفس السالفة .؟
- ولك ضيعت علي عملية تسوى عمرك صياح المفتاح الي يوصلني للريس ...

- وانة شكو ؟

- انت قتلت صياح ترى اجتني اخبارية انت اخذت صياح لصحراء و رجعت وحدك وين وديته ...

- لا تبليني عاد هو كلة مجرم ...

- اكدر هسة بتلفون امحيك ومرتك اسفرها ترى هدية مني لاستاذ عدي وهو يموت على هيج هدايا ...

- استغفر الله و اتوب اليه واني شكو افهم عاد شكووووو ؟ و لا تهددني لا تنتهز اني وحدي و مرتي خط احمر مو لان وكعت سالفتي بلسانك تنتهز فرصة.. ...

- لك و الله ادمرك بس خل ما الكاه ....

- محمد لهنا كافي ضيعتني ورطتني دخلتني متاهات الافضل اسافر اني ومرتي و هاي هي و الله عفا عما سلف وانساني...

- من عقلك تكدر تهرب .. خليها ببالك ادمرك واكدر امنعك من السفر.

- محمد عوفني شلزكتلي؟

- اسمع لك انت تطوعت لغرض ... ما صبرت رحت قتلت صياح مو ؟ كتلك اني اسلمك ياه والحكومة وياك بس انت طعنت الاتفاق انت لازم تتقرب لشمس هي تعرف شخصيات جبيرة و تجار عدهم اعمال مشبوهة .. مثل تسفير بنات الليل للخليج و شبكات تجسس...

تدري العميد(... ) وحدة من صبياتها بالعلاقة وهو سكران ضامة تسجيل ومنطيها معلومات مهمة ..

- وانتم و ضباطكم شكو ترحون للحرام.. تستاهلون .

دفعني وانطاني بوكسي كمت ارد الضربة كض ايدي..

- احذر خضر زين احذر....

طبعا انسد الموضوع ... و ما فتحة بعد وكمت انفذ تعليماته ...

حتى من طلب مني ضرورة اعلق بية شمس احتقرت نفسي وانة اغلط هيج غلطة بس شرطت مريد حرام ..

- ميسر متعة عرفي اي شي اريدك تخليها تعشقك للجنون..مدامك متدين هيج

- انت نذل.. ازوج وحدة ساقطة ؟
باوعلي بعين ونص كورت قبضة ايدي وفهمت نظرتة .
شكد ما نحاول محد يمحي العار هذا مجتمع تافهة افكاره و البنت التخسر عذريتها حتى لو بالقوة هي تبقى عار للاسف و الرجل هو الي يطلع منها كانما ممسوي شي...