ضفائر صبريه

اعادة نشر للي مطلعلهم البارت

هواي مطلعلهم بارت وهذا اعادة نشر

#قصة_ضفائر_صبرية٣٤
الجزء الثاني بقلم وئام

مو كلت ما احنن بعد للسنتر وللنادي
من سولفت عن البعد اتكلي عادي.. عادي

شو هسة كلشي تغير و الشوفتي تتحسر

عوف التكبر و الثكل بالأخر انت تخسر ..

------٤٥٤٦ كلمة --------

صوت ارتفاع تنفسها موش مبين خير

حركة صدرها تتلقف الاوكسجين عيون ذبلانة مفتوحة للنص بصورة مو طبيعية

واكف بباب الانعاش وانة اراقبنها ...

ملامحي وزغبات من لحية .. موش توحي انة عريس..

توحي ازلمة فاكد عزيز ...

خرخشة صوت انفاسها مرة تهبط .ومرت تسرع جنه لهاث مرثوني يركض .. .. جهاز نبضات الكلب متواترة بين الارتفاع وبين جاي تنخفض والي جان يؤكد هي عايشة صوت نبض الحياة من جهاز القلب... لجن جان موش مبشر بخير

حسيت بمعدتي دغدغة خوف وانة اكرب ( اتقرب)

وعيني تلاحك نظرة منها من عيونها .
تتوسل .. تعيش...

لجن صادة بنضرتها لشي موش مفهوم شي مبهم...

رجفة بداخلي. زادتني خوف...موش اعرفن هاي علامات موتها لو شنهي ...
حتى وهي مرضانة تدلل و تريد تشوفني شكد اعزنها .. احبنها ..

بس رجع داخل واهس ( هاجس) وانة اهيس ( اعتقد) رغم عشكي الج موش كادر وياج استمرن.

وزادني... عذاب.... عبنها تحملت مني هجران بس موش تحملت تجي وحدة تاخذ مجانها ..

وانة بتفكيري ... زادني جرح جديد بعد ما جنت اريدن منها ثار .. عشكي الموش صانته وتحجي حجي محضور بعرفي الريفي وي رجل غيري...

لا موش واحد .. دردشات... موش عاذر هدفها تنتقم... شلون اعذرنها... وانة انومها بحضيني واهدهدها بنبضي لمن تغفى...

رغم موش جبير ولسة شاب باول طريجي

بس جنت اعتبرنها موش بس حبيبة ومريتي اعتبرنها بنية لكلبي ...

فجان غدرها بية تنومني وتراسل جان هذا شي حاز بداخلي حسيت مغدور ولزمن اردن اعتباري اثأرن منها و اراويها شلون خسرت حبيب وزوج واب محتويها.

بس موش تصورت هيجية ثاري راح لبعيد...

اول خطوة حسب شرط اهل معصومة نعرس بالريف حتى اهاليتي يحضرنه ويعرفون.. عرست مرة جديدة

بس جنت اكدرن انصب اخشاب معصومة بحجرة ثانية ومن مرجع ناخذهن ويانة

...

بس استسهلت كلت اعرسن بغرفتي وي جليلة .. هم عقوبة اراويها شكد خسرت عبنها خانتني ...

بس الي صار جان بعيد..
اسبوع صراع.. وعنادها جان يحفزني اقسو...