ضفائر صبريه

٢٧جزء ٢...

#قصة_صبرية_٢٧
الجزء الثاني وئام علي ...

اني ماشايف مثل وجهك جميل
وهيچي مثل عيونك اني ماشفت
من كلتلي اهواك مدري شبية صار
هيچي واكف وحدي وبوحدي طحت

❤❤❤❤٤٦٤٧ كلمة تفاعلوا دون مراجعة كتبتة مستعجلة

مثل اي يوم مر اليوم علينا بحزن ...

كلشي ما النا واهس بيه ...

جاي اطبخ و يمي جلنار ...

وصتني امي اخلي بالي يمها....

البنية الليل كلة تبجي بحضن امي ...

و بالنهار كاعدة مثل الي مضيعة حسيت من نوجهها على شي تتخوف لا نطردها ...

عيني عليها و اجر حسرة لو قابلة باخوي ياخذها جا بلكت حبلت منه..

يبقانة منه جزء منه طفل او طفلة

الحمد لله على كل حال. 

هاي زغيرة باجر اكيد تزوج و تروح لحال سبيلها ...

نزلت دموعي باوعت من شباك المطبخ الي يطل ع الهول..

- الساعة ١٢ الظهر.. مسية العافية على روحك خوية

سمعت جلنار تحاجيني..

- خالة شوفي شسويت ...

التفتت الها لكيتها تصمغ صورة محسن التكسرت .
- جلنار الينكسر ما يرجع مثل ما جان .
و محسن اندفن..

خليت ايدي على كلبي وجريت حسرة ب اااااااااخ
- اخ يا كلب شكد تحملت ضيم وموت .

يمتة ارتاح ..

صوت علاوي الي مجد يجيبهم ويوديهم من الامتحان واليوم الاخير..

- ماما اجيت وجوعان

اباوعلة من الشباك

شمر الجنطة بالممر برجله زكط حذائة و زكط الثانية وكعت على القنفة ...

يمشي وينزع قميصة بنص الهول ...

و بنطلونة من يريد يدخل الغرفة وانة هنا هديت نزعت حفايتي البسها بالبيت ...

و رفعت ايدي حيل و شمرتها اجت بظهرة

تفاجأ هو ...

هي دورة هي صرخة

-اخ شبيج وجعتيني

ركضتلة اريد اعضة الادب سز

- وجع الوجعك يالمعفن ... هسة تروح تلم خيستك الطشرتها

- ماما ترى عندج بنات المن جايبتهن خل يلمن انة رجال..

تخوصرتلة

- انة منا كلبي مورم ع خيي و انت الله جابك الي اطلع بيك حركة كلبي  ..

رجال هاااا تعال اراويك يالرجال ...