ضفائر صبريه

١٥...

#قصة_ضفائر_صبرية١٥
بقلم وئام علي...

                     بسم الله الرحمن الرحيم....

وصل الى بيت اهل مرتة لمح بنية تمشي و تتلفت وهي تشرد..

احترك حرك هذا دليل ذنبها ايا *** ضحكت علي و خلتني اعشكها وهي من وراي ***

- صبرية!

دارت و تلاكت عيونا بنضرة عينها خوف من شافت بيدي خنجر  ...

خزرتها .... عركان معصب و الهث واحس وجهي مرتفعة حرارتة حسيت بعروك وجهي يم كصتي وعيوني يدكن مثل نبض الكلب

من شافتني معصب من كد الاعصاب الشر برز بعيوني شر و ممكن ارتكب جريمة وجهي محومر و يكت عرك ووضعي وشكلي تحول لشكل اجرامي     ....

ذبت صرة ملابسها وركضت تشرد وانة وراها وناوي اخذ ثاري و اغسل عاري ...

لزمتها ورفعت الخنجر يم ركبتها وهي بس تتلوى و بس صرخات مبهمة دون حروف  

- اااااااااااااا.....   ااااااااااا ل..... ااااااا ل ...

همست يم ذانها و حسيت برجفاتها بين ايدي و تحشرج صوتها ..

ما اعرف ليش ما تحجي ...

بس ما اتركها الا تكلي منو الي نجسها منو الي اخذ حقي بيها ..
يمكن انة انسان متملك بحبي  ضغطت اكثر على ركبتها و ايدي الثانية من جوة شيلتها على اذنها

- دسمعيني مو ؟ احجي  ...

ونينها لعب روحي وضعفها دمرني و خلص صبري دفعتها كدامي   

- مو كافي موتج... ما يشفي غليلي الا اعرف منو عدوي منو ما معقولة سلابة شجابج للجول ما ترحيلة حدج للجرف ولا السلابة تطر تجي للجرف حدهم الجول معبر الهم ..

و المسافة بين الجول وجرف العشاك  تقريبا اكثر من  مسافة من عشر دقايق لربع ساعة ...
مشي ..
اذا ركض خمس دقايق ...
ما يجون ويجازفون احجي ولج..

اخذت صرة ملابسها لا ينتبه الها احد..
و دفعتها للبيت سديت بابهم ...

- رجعي ملابسج خل يبين كلشي طبيعي وامشي وياي لبيت جدي ..

ما امن تبقين وحدج تشردين او صدك انت شاردة لوين منو ينتظرج تشردين وياه .

اباوعلها ترجع ملابسها بالكنتور و طلعت دشداشة سودة و باوعتلي ...

و هم ساكتة ..

وترتني بسكوتها و كفت كبالها ...

- من احجي وياج تحاجيني انت مو طرمة ولا خرسة ...

باوعتلي وباوعت لنفنوفها الاسود و بلعت ريكها وهي تبجي ...

- على شنو مستحية انطيتي نفسج لغيري وتمثلين الخجل دروحي عاد شلعتي كلبي