ضفائر صبريه

٣٢ ..ج٢

#قصة_ضفائر_صبرية( ٥٤) بالفيس
الجزء الثاني بتسلسل ٣٢
بقلم وئام ...

اش وانته الموضوع ما راح اموت اخلافك
يا ناكر المعروف شوفني عرض اجتافك
كل عقلك امشي وياك هو انته ضلك عافك
كلشي انتهى ومن هل وكت ما عاش كلمن شافك
اويو يكلبي شحصلت حزنك رسالة
اوويوو بعد من هل عشك ذب استقالة
ليش الوفي بهذا الوكت تنشر سمعته عالحبل
يرتاح ابو كلب الصخر والكلبة ابيض ينفكد

منك وبيك يخون . عايش بين اذيابة
تنطعن بس تندار عايش بوسط غابة
٠٠٠٠٠
٠........(٥٤٣٤ كلمة )
التفاعل ضروري هواي نايمين يلة كلكم قياام علقو صوتوا

💔💔💔💔💔💔خلص التحدي وي نازك ع الجرئة نرجع لسردنا المعتاد الي كلة ***

سحبت النقال خالة حمدية تخيط لجهال بتها والي ولبنات خالة عفاف...

تتلهة بينا ما تعرف تنام ظهر بيبي كبرت الظهر ترتاح تنام

حتى ما سبحت مستعجلة

دكيت الاميل بمتصفح و الرمز

و راسلت منصور و كالعادة مندمجة

لمن حسيت ايد على جتفي و ايد تجر النقال بعصبية

- بلة شنهي تسوين بنقالي جيبيه

بيد ترجف اريد اخذه منه دفعني ...

وكعت ع مقعدي .

جسمي كلة يرجف وعركت ....

نبضات كلبي احسها باذني مو بصدري

عيوني متوسعة على حيلها ..

و هو يقرا وملامحة تتغير .

كمت وركضت شاردة وهو وراي هاي هي اليوم انذبح ...

ما بيها مجال ...

ركضت اريد اوصل لبيبي بس لزمني من ضفيرتي

شكد كرهت هاي الضفيرة ...

ما عندي بخت كوة زينب لعبت لعب وانة بس ردت ارد اعتباري حساب باسمها وردت ادز الدردشات لزوجها

واشوهها كدام اصدقاء رجلها

انلزمت ..

لف ضفيرتي على ايده وسحلني بسكتة

وهو بصوت ناصي بس ها .. يتراجف ومبين من كد ما معصب حتى يتأتأ بالكلام

.....

لو يكرر دون وعي ..

- صوووتج موش سامعلج حس .. اشش سكتة

- بس اشهك اتمنى حمدية تلمحني وتجيني

اباوع تناوش بيدة

صوندة النايلون الخضرة الي يأسسون بيها

يابسة .. و ام ٣ ارباع انج

جسمي كلة ينكت

من الخوف