رواية "حبيبي رقم 11" بقلم/ نورهان امير المؤمنين

البارت الاول..حبيبي رقم 11

حبيبي رقم 11 .........نورهان امير المؤمنين

تختلف القصص وتختلف الظروف ويختلف العشاق ويبقي الحب واحد

البارت الاول

............

صفت سيارتها الفيراري وترجلت منها هي وصديقتها لتتقدمان بخطوات واثقه باتجاه كليتهما

الملحقة بتلك الجامعه الخاصة العائدة لأحد

اكبر رجال الاعمال المعروفين

وعيون الجميع مسلطه عليهما

يتطلع بهما الشباب مفتونين بجاملهما الساحر

وتتطلعن بهما الفتيات بنظرات غيورة

توجهتا نحو الكافيتريا للتتناولا فطورهما قبل المحاضرة الاولي

-ايه دا !...هو مش علاء اللي واقف هناك دا

غريبه!!..مجاش يقعد معاكي ليه يا صفا

وجهت نظرها الي طبقها لتقطع محتوياته بالشوكه والسكين بكل برود وعدم اهتمام

-اه عادي...كملي اكلك يا سالي وسيبك منه

تيقنت سالي ان ما كانت تفكر به صحيح

فهي ليست بحاجة لبذل جهد لتفهم تصرفات صديقتها المقربه

-معقول بالسرعه دي يا صفا!!

دا حتي احنا لسه النهاردة تاني يوم في الدراسه

تأففت صفا بملل ونظرت الي صديقتها وقالت

-انا زهقت منه ..دا قعد ينطلي في كل حته

من ساعة امتحانات السنه اللي فاتت

لحد ما وافقت اكلمه من شهرين

ودا كفايه عليه اوي شهرين

-يا بنتي دا كان التاسع

مش ناويه تبطلي بقي

-خلاص قفلي علي الموضوع دا دلوقتي

خلينا نقوم نلحق المحاضرة

نهضت الفتاتان لتصطدم سالي بذلك الوسيم

الذي تركض وراؤه جميع فتيات الجامعه

وسقطت نظارتها الطبية لتصبح شبه عمياء

لا تري شيئا

ولكن في تلك اللحظة لم تكن في حاجه لأي من حواسها لتتعرف عليه

فحاستها السادسه تجعلها تشعر به دائما

هبط محمود ارضا ليتناول نظارتها واعطاها اياها

مع ابتسامه جذابه شعرت بها دون ان تراها

-انا آسف مقصدش... اتفضلي نضارتك

ابتسمت سالي كالبلهاء وشردت في كلماته القليله

وكأن الزمن توقف بها عند تلك اللحظه