البارت الثامن
..........
بعد مرور اسبوع
......
اسرعت نهال الي المشفي بعد ان علمت بخبر استيفاق الفتاة
وجدت طه واقفا امام الغرفة وقد اتجه اليها فور ان رآها
طه: انا كنت مستنيكي عشان ادخلها معاكي لأنه يعني..مينفعش ادخل لوحدي
نهال: كان ممكن تاخد حد من العساكر بتوعك او الدكتور مثلا او حتي ممرضة, ولا هو يعني مفيش غيري
نظر طه اليها بغيظ وبداخله رغبه في كسر انفها المتكبر
فهو يدرك تماما انها تتعمد احراجه
طه: انا بقول ندخل للبنت اللي انتي كنتي هتموتيها عشان نشوفها
وكفايه تضييع وقت لأني مش فاضي
فتحت نهال باب الغرفة بغضب
وتبعها طه الذي كانت تعتريه فرحه الانتصار ويفكر بين نفسه بسعادة
- قصف بقصف بقي والبادي اظلم
.......
كانت الفتاة مستلقية علي السرير رأسها مضمدة وجسدها به بعض الكسور
نهال بقلق: انتي كويسة؟!
الفتاة: الحمدلله
طه: طبعا الدكتور عرفك اني عايز اتكلم معاكي
الفتاة: اه..اتفضل
طه: ممكن اعرف اسمك ايه
الفتاة: زهور
طه: الاول حمدالله علي سلامتك يا انسة زهور
احنا ملقيناش معاكي اي اثبات شخصية وللاسف مقدرناش نوصل لحد من اهلك
بس انتي تقدري تكلميهم دلوقتي او حتي لو مش حافظة تليفونات
ممكن تديني العنوان وانا هروحلهم بنفسي واعرفهم اللي حصل بهدوء هما اكيد قلقانين عليكي
زهوربحزن: مفيش داعي
تفاجئ كلاً من طه ونهال بردة فعلها الغريبة
طه: قصدك ايه
زهور: قصدي ان الموضوع مش مهم بالنسبالهم عشان يعرفوا
تتدخلت نهال وكأن الأمر يخصها
- كلامها واضح قالت مفيش داعي يبقي مفيش داعي
بلاش بقي حضرتك تسأل كتير
تغاضي طه عن كلامها الحاد وتجاهله ولكنه بالفعل غير الموضوع
طه: بُصي يا انسة زهور..انا مش هطول عليكي
في شهود كتير علي الحادثة دا غير ان انسة نهال اعترفت ان هي اللي خبطتك
أنت تقرأ
رواية "حبيبي رقم 11" بقلم/ نورهان امير المؤمنين
Romanceتختلف القصص وتختلف الظروف ويختلف العشاق ويبقي الحب واحد
