رواية "حبيبي رقم 11" بقلم/ نورهان امير المؤمنين

البارت العشرون..حبيبي رقم 11

البارت العشرون

...................

قالت مي برجاء في حين كانت تهندم ربطة عنق زوجها

-بالله عليك يا عمر خدني معاك

ابتعد عمر ليمسك بساعة يده ويرتديها قائلا

-انا مش رايح رحلة يا مي ..وبعدين انتي مينفعش تسافري عشان الجامعة

ردت مي بحزن طفولي

-طب ما صفا رايحة معاك

عمر بجدية: انتي عارفة كويس ان سالي بالنسبة ل صفا اختها مش صاحبتها

عشان كدة لازم تروح ..واصلا صفا مبتروحش الجامعة

جاهدت لتحاول اقناعه وهي تقول بتعقل

-ممكن اسافر واخلي زمايلي يبعتولي المحاضرات ع النت واذاكر وانا هناك

عمر بنفاذ صبر: مي،انا كدة هتأخر

كفاية اني استنيت لحد يوم العملية وكان المفروض اروح معاها من اول ما سافرت

وقعدت عشان الشغل

الحت مي اكثر وقالت بصدق

-بس انا عايزة اتطمن علي سالي

في تلك اللحظة عظمت صورتها في عينه وارتفعت مكانته في قلبه

لأنه التمس صدق نبرتها واهتمامها بشقيقته فقبل يدها بحب وقال

-هخليكي تكلميها قبل وبعد العمليه..تمام كدة؟!

مي باستسلام: تمام..واتصل بيا اول ما توصل

عمر بابتسامة: حاضر يا مي ..سلام

___________________________________________________________

في الولايات المتحدة الامريكية ..تحديدا بالغرفة رقم 632 بأكبر فندق في نيويورك

كانت صفا تجلس علي حافة السرير تنظر الي سالي التي تتجمل امام المرآة وتقول بمزاح

- ايوة بقي..انتي ف امريكا بتتفسحي مع حبيب القلب

وانا يا عيني عليا قاعدة هنا مبخرجش م الاوضة وسايبة بسام بيسو بسابيسو ف مصر لوحده

سالي بتعجب وضحك: بيسو بسابيسو!!...والله يا صفا انتي عسل

صفا بدلال: طبعا بسابيسو وبسبوسة قلبي ..بس بقي عشان وحشني اوي

ابتسمت سالي وهي تتخيل اول نزهة مع حبيبها

- انتي كل يوم في مصر بتخرجي معاه انما انا اول مرة اخرج مع محمود

وثبت صفا بمرح لتلاعب خدي سالي وهي تقول باغتياظ مصطنع

- بتحسديني علي خروجات مصر!!..وانتي اول خروجة ليكي ف امريكا يا محظوظة

يلا بقي انا مش هقر عليكي عشان انتي طيبة