البارت الرابع عشر
..............................
حمل تامر زجاجة الخمر وخرج بها الي الشارع امام قصر شريف التهامي
وجلس يحتسيها علي احد الارصفة
ربما كان الوقت متأخر ولا يوجد احد بالقرب منه ويراه او ان هذا هو ما يبدو
لقد كانت نهال تقف وراء احد الاشجار الضخمه تراقبه بألم
كانت تشعر بأن قلبها يتمزق
فما اصعب من ان تري الفتاة حبيبها وهو ينتقم من نفسه لأنه فشل في اقتحام قلب انثي غيرها
اخذ تامر يتجرع ذلك السم بكميات كبيرة وقد اصبح شكله في حالة يرثي لها
حتي سقط علي الارض بسبب مفعول الخمر ومع ذلك تمسك بالزجاجة ولم يتركها
لم تستطع نهال التحمل اكثر من ذلك وركضت اليه بلهفة وقلق
نهال: تامر ..تامر انت كويس؟
لم يرد عليها ولم يتحرك من مكانه فزاد قلقها أكثر
وحاولت ان تفيقه بأي طريقة ولكن بلا فائدة
تلفتت حولها فلم تجد سوي زجاجة الخمر فامسكتها وسكبت ما تبقي منها علي وجهه
فكانت تلك هي الطريقة الوحيدة التي استجاب لها وبدأ يفتح عينيه
اسندته نهال لتساعده علي النهوض فاستمعت الي هزيانه وهو يقول بنبرة ثملة
- نهااال....انتي دايما..بتجري ورايا...ورايا انا..تامر
متستغربيش ..انا عارف..ان انتي..بتحبيني
ارتبكت نهال من كلماته وقالت بانزعاج
- اسكت يا تامر....بلاش كلام فاضي
وضع تامر اصبعه علي فمه وقال بثمالة
- هششششششششش..انتي دايما بتزعقي
انتي ليه كدة...انتي..كدابة
عشان انتي...بتحبيني...انتي..بتداري..ومبتقوليش لحد
بس انا ...انا تااامر ...انا صايع...ولافف
انا بفهم كل حاجة..و..وعارف ..انك بتحبيني
نهضت نهال عن الارض غاضبة وقالت بحنق
- قوم روح يا تامر الفرح قرب يخلص ولو خرجوا وشافوك كدة هتبقي فضيحة
جذبها تامر من ذراعها لتجلس بجانبه علي الارض بالشارع
وقال وآثار السكر تتضح في نبرة صوته وتعابير وجهه
- انتي.. رايحة فين؟ ..خليكي.. دي القعدة حلوة
مش انتي..كان نفسك..تقعدي معايا
نهال..بتجري ..ورا تامر
وتامر..بيجري..ورا صفا
أنت تقرأ
رواية "حبيبي رقم 11" بقلم/ نورهان امير المؤمنين
Romanceتختلف القصص وتختلف الظروف ويختلف العشاق ويبقي الحب واحد
