البارت الثالث
........
في صباح جديد مفعم بالطاقة كان جميع ابطالنا
يستعدون لبدء يومهم
لم يكن ايا منهم يعلم شيئا عن هذا اليوم
او عن ما قد يلقاه من مفاجئات او احداث
ربما كان هذا اليوم انقلابا في عالمهم المعتاد
احدث تغيرات جذرية في حياتهم جميعا
....
استعد بسام لأول يوم له بالجامعه الجديدة
التي لم يكن من الصعب قبوله بها فكلمة عمه
عبدالله الدمنهوري مسموعه من قبل الجميع
فتح باب غرفة محمود ليجده مازال واقفا امام
المرآه يمشط شعره الناعم باستمتاع كبير
صاح به بسام مغتاظا
-يا عم انجز بقي دا زمان مي جاهزة وانت لسه
اتاهم صوت مي التي تسللت من خلفه قائلة
-مي فعلا جاهزة.. انا مش عارفه ايه اللي جرا للدنيا
البنت هي اللي تجهز بدري وتستني الولد علي ما
يسرح شعره ويظبط هدومه
وضع بسام يده علي كتفها واضاف ساخرا
-فعلا والله يا بنتي الدنيا اتشلقبت
نقول ايه بقي رجالة آخر زمن
صرخ بهم محمود بعد ان انتهي مما كان يفعله
-بقولكو ايه بقي ما تتلموا انتو الجوز
هو انتو جايين تفوقو عليا انا
مش كنتو مش طايقين نفسكو امبارح
رفع بسام كفه في وجه محمود
-خمسه خمسه الله اكبر ..خمسي يا بت يا مي
دا بيحسدنا عشان لقانا مبسوطين شويه
اكملت مي بمزاح
-اه والله يا بيسو عندك حق وكما قال الشاعر
بيحسدوني لما بضحك
دفعهما محمود خارج الغرفه
-لا دا انتو متفقين وقاصدين تحفلو عليا بقي
قدامي انت وهي اما نشوف اخرتها معاكو ايه
جلس الجميع علي مائدة الطعام وبدأ عبدالله الحديث
-يا ريت نقفل علي اللي حصل وكويس انها عدت
علي خير وحلينا المشكلة
مش عايز مشاكل تاني يا بسام مفهوم
نظر اليه بسام وقال بجدية
أنت تقرأ
رواية "حبيبي رقم 11" بقلم/ نورهان امير المؤمنين
Roman d'amourتختلف القصص وتختلف الظروف ويختلف العشاق ويبقي الحب واحد
