رواية "حبيبي رقم 11" بقلم/ نورهان امير المؤمنين

البارت الواحد والعشرون..حبيبي رقم 11

البارت الواحد والعشرون

........................

بمجرد خروج تامر من المنزل صاحت نهال

-انت ايه اللي جابك هنا..وايه اللي قولته ده

وضع طه يده علي رأسة وقال بتعب مصطنع

-اه ياني يااما...رجعت ريما لعادتها القديمة

هو انتي متعرفيش تشوفيني الا اما تزعقي

علي فاكرة انا اصلا عارف انك كنتي ساكتة عشان البتاع ابو قُصة اللي كان واقف ده...اكيد هو مضايقك وفرحتي لما هزأته ...صح

لم يترك لها طه مجالا للرد واستمر هو في الحديث

-علي فكرة انا مش جاي لوحدي..انتو عارفين طبعا انه مينفعش وانا بفهم بردو ف الاصول ...معايا بنت اختي..هتلاقوها داخلة دلوقتي..اصل انا قو...لم يكمل كلامه

حتي صدح صياح تلك الطفلة وهي تركض اليه بسرعة

-خااالوووو

ابتسمت زهور لرؤيا تلك الطفلة الجميلة والتي يبدو عليها المرح بينما نظرت اليها نهال باندهاش

احتضنها طه وهو يقول بضحك

-هههههههههه عسل يا سارة

نظر الي زهور ونهال الواقفتين علي مسافة ليست ب كبيرة ليتحدث اليهما وكأنه صاحب المنزل

-اقعدوا اقعدوا..واقفين ليه؟!

اصل انا قولتلها استني ف العربية لحد ما البتاع ابو قُصة يخرج بعدين ادخلي

ردت نهال ببرود: وانت اش عرفك انه هيخرج

جلس طه واضعا قدما فوق الاخري قائلا

-لاني عارف انكم هتطردوه ..بس قولت اجي انا اطرده بنفسي..واحتسابا لأي مشاهد عنف هتحصل بيني انا والبتاع ابو قُصة خليت سوسو تستني برا عشان مامتها مانعاها تشوف افلام اكشن

التفت طه الي الطفلة متسائلا

-اتأخرتي ليه؟!...انا مش قولتلك اول ما يخرج تدخلي

ضيقت سارة عينيها وكأنها تحقق في امر بالغ الأهمية

-كنت براقب البتاع ابو قُصة يا خالو.. هو لما خرج كلم حد ف الفون وقال خلصتوا اللي قولتلكو عليه..بعدين قال نتقابل ف نفس المكان عشان تاخدو بقيت حسابكو

دب القلق الي قلب الفتاتين فهما تعرفان جيدا نوايا تامر وافعاله القذرة

بينما استطاع طه بذكاؤه وحسه البوليسي ان يقترب من الحقيقة من خلال تلك الكلمات

حاول ان يغير الحديث عن ذلك الشخص الذي لم يأت منه خيرا ابدا

ليتمكن من ذلك بسهوله بروحه المرحة والنقيه