رواية "حبيبي رقم 11" بقلم/ نورهان امير المؤمنين

البارت الحادي عشر..حبيبي رقم 11

البارت الحادي عشر

.....................

بعد انصراف الطبيب وقفوا جميعا في حالة من القلق والتوتر

ورغم استيعاب بسام لخطورة ما فعل الا انه لم يندم علي التصرف الذي بدر منه

حاول محمود ان يتحكم بالموقف ولو قليلا فقال بهدوء

- سالي وصفا ونهال، يتهيألي انكو المفروض تروحو دلوقتي،

وانا وبسام هنفضل هنا لحد ما يفوق وان شاء الله هنحل المشكلة دي

ايدته نهال و وجهت حديثها الي صفا وسالي

- فعلا هو عنده حق، روحو انتو وانا هزور حد اعرفه هنا ف المستشفي بعدين هروح

نظرت سالي الي نهال والدموع تترقرق بعينيها وقالت بنبرة حنونة مليئة بالقلق

- نهال انتي كويسة؟!

ابتسمت لها نهال وقالت بهدوء ظاهر علي عكس ما بداخلها من عواصف مدمرة تهاجم قلبها الهالك

- اه كويسة، اتطمني يا سالي......سلام.

استدارت نهال ثم رفعت نظارتها ورفعت رأسها لتمشي مشيتها الواثقة كعادتها مقاومة لكل مشاكلها وجراحها

.......

كانت نهال علي وشك ان تفتح باب تلك الغرفة التي في نهاية المرر الا ان الطبيب اوقفها مناديا اياها

- انسة نهال

نهال: اهلا يا دكتور عماد...خير في جديد في حالة زهور؟

الطبيب: الحمد لله حالة زهور مستقرة وممكن اكتبلها

علي خروج من بكرة...بس انا مكنتش عايزك بخصوص زهور، انا كنت هقولك علي حاجة تانية

نهال: اتفضل قول

الطبيب: انا معرفش صلتك ايه بالمريض اللي جبتيه النهاردة ، وانتي عارفة ان لولا علاقتي بوالدك

وانه شريك ف المستشفي كان مستحيل نستقبل المريض من غير ما نتأكد من هويته وسبب الاصابة

وكمان كان لازم نبلغ عيلته ومعملناش كدة لأنك رفضتي

نهال بجدية: ممكن لو سمحت تدخل ف الموضوع

الطبيب: انا كنت شاكك في حاجة كدة بخصوص المريض...عشان كدة عملتله تحاليل واتأكدت بنفسي

هو مدمن مخدرات، وللأسف بقالو فترة طويلة

لم تنصدم نهال كثيرا بكلام الطبيب فقد اصبحت متأكدة من ادمانه بعد ان تبعته الي ذلك المكان المشبوه

ولكن ما ازعجها هو انكشاف الامر فهذا آخر ما كانت تتمناه

نظرت نهال الي الطبيب بنظرات شرسة وقالت بجدية مخيفة ونبرة آمرة