البارت السادس عشر
............................
شعرت نهال بنغزة في قلبها ..
كانت تخشي ان تكتشف كارثة اخري قد يكون تامر هو السبب فيها
نهال بتوتر: ليه؟!!
نظرت زهور الي نهال والدموع تملأ عينيها لتقول بصوت باكي
- هحكيلك
نظرت الي الارض بضعف وبدأت تسرد كل ما لديها علي نهال وهي تتمزق مع كل كلمة تنطق بها
- انتي عارفة ان انا من الصعيد وعايشة ف سكن الجامعة من سنتين
طبعا الصعيد اتغير عن الاول كتير لكن بردو عيلتي محتفظين بعادات الصعيد القديمة
عشان كدة بابا مكنش موافق اني اعيش ف القاهرة لوحدي..بس بعد عذاب ماما اقنعته
السنة اللي فاتت كانت اول سنة ليا ف الجامعة وكنتش اعرف حد ولا اعرف اي حاجة
ملقتش قدامي حد اتعرف عليه غير البنت اللي كانت معايا ف الاوضة ف السكن
اتصاحبت عليها اوي وكنت طول الوقت معاها
و ف مرة قالتلي ان احنا هنخرج نقابل ناس صحابها وتعرفني عليهم
علي اساس انها بتساعدني اتعرف علي صحاب جداد
flash back
وصلت زهور برفقة صديقتها الي منزل واسع باحدي المناطق الراقية
وجدت فتاتين ترتديان ملابس فاضحة ومعهم ثلاثة شباب
زهور بقلق: يلا نمشي يا دنيا
قبل ان ترد صديقتها وجدت من وقف خلفها فجأة وهمس بأذنها بخبث
- تمشي ليه..هو احنا زعلناكي ف حاجة
انتفضت زهور وشهقت بفزع
فضحك الجميع بسخرية علي رد فعلها الذي توقعوه مسبقا
حاولت دنيا ان تطمئنها حتي تتمكن من السيطرة عليها فطبعت علي وجهها ابتسامة خبيثة
- متقلقيش ...هي دي الشلة تعالي اما عرفك عليهم
هي دي يا جماعة زهور صاحبتي اللي كلمتكم عنها
ثم اشارت بيدها الي الي الفتاتين علي الترتيب
- دي نهي و دي شمس
ثم التفتت الي الشباب
- دا بقي هيثم ودا سمير ودا حازم
ابتسمت زهور اليهم بطيبة وحسن نية بينما بادلوها هم بابتسامات الخبث والسخرية
كادت دنيا ان تعرفها علي تامر الا انه سبقها بذلك واتقن تمثيل دوره بمهارة
- انا تامر..صاحب البيت ده ..اتمني نكون صحاب
شعرت زهور ان عينيه لا تحمل نظرات الخبث مثل البقية
أنت تقرأ
رواية "حبيبي رقم 11" بقلم/ نورهان امير المؤمنين
Romanceتختلف القصص وتختلف الظروف ويختلف العشاق ويبقي الحب واحد
