البارت التاسع
..............
خرجت نهال من المحاضرة ولحق بها تامر وناداها
تامر: نهال، لو سمحتي
فرحت نهال كثيرا فقلبها الغارق في حبه صور لها انه
يريد التحدث اليها والتقرب منها ولكن مع ذلك
فهي تبقي نهال العنيدة المتكبرة فرفضت اظهار فرحتها
نهال: افندم
تامر: متعرفيش صفا مجتش الجامعه ليه النهاردة
نهال: مجتش ومش هتيجي لآخر الاسبوع عشان
خطوبة اخو سالي ،وطبعا هما لو معتبرينك حد مهم
كانو عرفوك وعزموك، ف يا ريت تخلي عندك كرامة
وبلاش اسلوب التلزيق بتاعك دا
القت نهال كلماتها المحرجة بوجهه وانصرفت
ليقف هو مكانه يشتعل غضبا منها ويضرب بقبضته
في الهواء
- ابو تناحتك يا نهال بكرهك ، انا مش عارف صفا
وسالي مصاحبينك ليه اصلا؟!!
.......
استقلت نهال سيارتها واتجهت خارج الجامعة
دون ان تنتظر المحاضرة القادمة
كانت تريد ان تقتله عندما نطق اسم صفا
ولكن كيف له ان يفهم حبها وغيرتها فهي دائما ما تعامله بتكبر واحتقار
.........
ذهبت نهال الي منزلها واغلقت باب غرفتها وجلست تبكي علي الارض
كالطفلة الصغيرة وتحدث نفسها بانهيار
هو ليه مبيحبنيش ؟!...هو ليه جاي يسألني انا بالذات عن صفا
ليه بيتكلم حلو مع كل البنات الا انا
ليه مش حاسس بيا..انا بحبك يا تامر بحبك
---------------------------------------------------------------------------------------
كانت الاجواء مبهجة في قصر عبدالله الدمنهوري
اصوات الاغاني التي يغنيها اشهر المطربين الذين حضروا لاحياء الحفل
open buffet يحتوي علي كل ما لذ وطاب من الوجبات الشهية
الزينة ,الديكو,الاضواء كل التحضيرات كانت حقا علي اعلي مستوي
لتليق بحفل عقد قران عمر التهامي و مي الدمنهوري
وتجمع الحاضرون امام الدرج منتظرين العروسين
اخيرا ظهرالعروسين يهبطون الدرج
تأبطت مي ذراع عمر وهي في جمة سعادتها تلك السعادة الحقيقية
التي زادتها جمالا علي جمالها
أنت تقرأ
رواية "حبيبي رقم 11" بقلم/ نورهان امير المؤمنين
Roman d'amourتختلف القصص وتختلف الظروف ويختلف العشاق ويبقي الحب واحد
