رواية "حبيبي رقم 11" بقلم/ نورهان امير المؤمنين

البارت الثامن والعشرون..حبيبي رقم 11

البارت الثامن والعشرون

...............................

كفت نهال اخيرا عن الضحك وبدأت تعود الي ملامحها الطبيعية شيئا فشيئا

- كنت عايزة اقولك اني هروح لزهور واتكلم معاها النهاردة

نظر اليها طه بهدوء متسائلا

- انتي مش قولتي هتستني بعد اسبوعين من جوازنا؟؟

نهال: واضح كدة ان اسبوع واحد كفاية..اصل زهور كلمتني من شوية وكانت بتقول انها هتشتري شقة عشان تنقل فيها..حاولت اقنعها تستني كام يوم حتي بس مفيش فايدة فيها

طه بابتسامة ونبرة متزنة

- تمام يا حبيبتي..هاجي اوصلك وابقي رني ع السواق وانتي مروحة عشان هكون ف الشغل

ربما لم تكن تتوقع منه ذاك الرد فنظرت اليه تتأمل ملامحه الهادئة ثم قالت باضطراب

- هو انت مش متضايق؟؟

طه بتلقائية: وانا هتضايق من ايه

وقفت نهال متوترة لم تكن تعلم كيف تبدأ فصمتت لبرهة ثم قالت بتردد

- يعني..يعني انت مش حاسس انك مجبور علي حاجة او..او مش متقبل الموضوع

فهم طه ما ترمي اليه ف اقترب منها واضعا يده اسفل ذقنها ليرفع وجهها اليه وقال ناظرا الي عينيها

- انا عمري ما هعمل حاجة الا اذا كنت مقتنع بيها..وانا حاسس ان هو ده الصح

رفع طه احد حاجبيه وهو يغمز اليها مازحا

- شكلك انتي اللي متضايقة..انا شايف الغيرة بدأت تدب ف قلبك

غايرانه صح..هااه هاااه غيرانة مش كدة

حتي الان يمكن ان نقول بكل يقين وثبات ان ايا من مشاعر الغيرة لن تقارب قلب نهال بعد..

نظرت اليه نظرة ذات معني مضمونها انكار كلماته ثم استدارت لتغادر المكان واذا بها تسقط مرة اخري في نفس النقطة التي سقطت بها قبل دقائق

طه بضحك وهو يصفق ويضرب بقدمه علي الارض وكأنه يتعمد اغاظتها

- طب والله كان نفسي اصورك فيديو وانتي بتوقعي..شكلك يهلك م الضحك يا نونو..مسخرة

رفعت اليه عينيها بحنق لتصيح غاضبة

- بطل ضحك

حاولت النهوض لتسقط مرة اخري بطريقة افسدت صرامة ملامحها مما جعل طه ينجرف ف الضحك اكثر مشيرا اليها بسخرية

حاول ان يحملها من علي الارض ولكن ضحكاته المفرطة وارتخاء اعصابه لم يساعداه في ذلك

حتي كادت ستسقط من يديه عدة مرات

_______________________________________________________

بدأت صفا تفتح عينيها ببطء لتكن والدتها هي اول من يقع نظرها عليه