GENTLE DESIRE

CHAPTER 53

Marcus literally took over in teaching Ariana how to enjoy the water. She didn't expect him to be this gentle because he's so rugged and difficult. Pero hindi pwede na magbabad ng husto sa tubig dagat ang kanyang anak. At saka, oras na para matulog ang bata. Nang umahon siya sa tubig, sumunod si Marcus at muli nitong isinuot ang maskara. "Saan ka pupunta?"

"Ihahatid kita," sabi ni Marcus.

"Hindi na kailangan. Baka may makakita pa sayo, magiging kumplikado lang ang lahat."

"Huwag kang mag-alala. Nasa isang bahay naman tayo, at saka, tingnan mo ako."

Habang naglalakad sila pabalik sa bahay, kinuha ni Marcus ang bata upang makapagpahinga ang maliliit na braso ni Daniella. Sa kanyang tantiya, nasa twenty pounds ang kanilang anak. "Paano mo nakayanan na kargahin si Mugsy araw-araw?"

"Nasanay na rin kasi ako sa timbang niya," sagot ni Daniella.

"Ah, kaya pala nanatili ang iyong kaseksihan, dahil panay ang weightlifting." Napansin ni Marcus na biglang na-conscious si Daniella sa kanyang sinabi. Inayos nito ang suot na roba na nakapatong sa dilaw na bathing suit. The vanity of a woman!

Pagpasok nila sa bahay, inakala ni Daniella na hanggang sa labas lang si Marcus. Kung bakit ito sumunod hanggang sa kanilang silid ni Ariana ay hindi niya alam ang dahilan. Surely, he wouldn't expect her to allow him inside.

"Pwede ba akong pumasok?" Tinanong ni Marcus si Daniella nang nasa labas na sila ng pintuan patungo sa silid nito. Gusto niyang makita kung paano matulog ang bata, kung gaano ito kalakas humilik, at gusto rin niyang mapanood ito habang dumede sa ina.

"Why?"

"I want to see you while breastfeeding my child," he told her the truth.

"Marcus!" she blushed upon imagining the scene that Marcus implied.

"Masyado kang dirty-minded! Breastfeeding is a natural thing," puna ni Marcus nang mamula ang pisngi ni Daniella.

"So, feeling close na tayo ngayon? Baka nakalimutan mo na minsan ay winasak mo ang aking puso." Iba ang pakiramdam kapag hindi ka na galit sa isang tao. Na kahit napakalaki ng atraso nito, nagawa pa rin niya makipagbiro sa lalaki.

"Baka nakalimutan mo rin ang ginawa mo sa akin noon...kaya may Mugsy ka ngayon."

"Fine. Pero siguraduhin mo na walang makakakita sayo na pumasok dito," bilin niya sa lalaki habang binubuksan ang pintuan.

Pagpasok sa loob, pinahiga muna ni Daniella si Ariana upang makapagpalit siya ng damit. Nang umahon sila sa dagat kanina, ang bata lang ang kanyang pinalitan ng damit at pinatungan na lang ng roba ang kanyang bathing suit.

At nang matapos siyang magbihis, kinuha niya ang bata at saka pumunta sa nursing station na isinet-up niya sa kanyang kwarto. Mayroon itong nursing chair na kumportable sa kanyang tuwing padedehin si Ariana.

Daniella believed that a comfortable breastfeeding station can go a long towards giving her the much-needed moment to rest and bond with her daughter. Bago niya inilabas ang isa niyang suso, tumingin muna siya sa gawi ni Marcus.

"Go ahead," sabi ni Marcus kay Daniella nang mag-alinlangan itong pasusuhin ang bata sa kanyang harapan. Then he witnessed how his daughter takes a big mouthful of Daniella's nipple and latches on, begins to suck and draws out some milk. He's not a sex-crazed pervert or anything but seeing Daniella while breastfeeding their daughter turned him on. Or, it could be because his feelings for the woman was always there.

Nang makatulogan ni Ariana ang pagsuso sa kanya, saka siya tumayo upang ilagay sa kama ang bata. Sa gilid na bahagi malapit sa dingding ang pwesto ng bata upang hindi ito mahulog.

"Bakit hindi na lang sa kuna patulugin ang bata?" Oo nga at dawalang queen-size bed ang nasa kwarto ng babae, parang hindi pa rin mapalagay ang kanyang loob na hindi sa kuna natutulog ang bata. Paano kung maging malikot si Daniella at madaganan ang anak?