أسماء : غير كوني هانية ا حبيبة .. غاتكوني معايا فنفس الشركة
دعاء : ان شاء الله ا ختي .. عمرني نسا خيرك
أسماء : لا غير نسايه نيت هههه كانضحك معاك الهبيلة 😉 شوفي خويا نبيل قريب يجي وماما بغات دير ليه شي حفلة .. أنا قلت نعلمك من دابا باش ديريها فبالك .. ماشي تعتاذري كيف المرات الفايتين
دعاء : أسماء نتي عارفاني ماعنديش مع الحفلات والسهرات 😑
أسماء : عااارفة .. ولكن هادي ماشي أي حفلة ونزيدك أنا بغيتك تكوني فيها .. الله يخليك ديري ليا خاطري PLEASE
دعاء : (بعد تفكير) : والله ماعرفت ما نقوليك 😔 المهم حتى لوقت الحفلة ويحن الله
أسماء : المهم غاندير بحسابك ويلا ما جيتيش غانعرف قيمتي عندك
دعاء : ناري عليك ا ختي 😯 كاتشديني من اليد اللي كاضرني
أسماء :أنا غير قلت ليك والسلام (فنفسها " والله حتى نخرجك من داك الحزن اللي عايشاه .. واخا ظلي تخبيه .. عينيك كايفضحوك")
بثينة (وقفات عليهم) : هااااي 😒 فاش كاتهضرو ؟
أسماء : امم غير كانقنع دعاء باش تحضر للحفلة اللي منظماها ماما على شرف خويا نبيل
بثينة (بلهفة) : خوك غايجي ؟ ايمتا ؟ وعلاش ماعرضتينيش أنا ؟
أسماء : يا ختي غير بشوية عليك .. أصلا غير هاد الصباح عرفت
بثينة : امممم اوكي غانجي 😀 ولكن دعاء علاش بغيتيها تمشي ؟ ياك هي ماعزيزش عليها هادشي
أسماء : غاتجي وهضرة وحدة قلتها .. وغايوليو يعجبوها خاصها غير تزعم
بثينة : خليها على خاطرها ا صاحبتي .. وأصلا بحال هاد المناسبات مايصلاحوش ليها و**
أسماء (قاطعاتها بعصبية) : بثينة 😡 جمعي راسك
دعاء : غير خليها ا أسماء .. مالها كذبات ؟ شكون أنا باش نحضر مع ناس كبار بحالكم (ناضت) تعطلت نخليكم (ومشات كاتجري والدموع فعينيها .. حتى تصاطحات مع هشام ومحمد .. ماعبراتهمش وكملات على طريقها)
هشام : مال دعاء ؟
أسماء (بعصبية) : بثينة علاش كاتعامليها بديك الطريقة ؟ شنو دارت ليك وفاش غلطات معاك ؟ ديما كاتنقصي منها وكاتهينيها .. حرام علييك والله حتى حراام
بثينة : ومالي كذبت عليها ؟ وحدة بحالها شنو مدخلها وسطنا ؟ كايقوليك لبس قدك يواتيك .. وكون تصاحبات مع اللي من سهمها كاع ماتهان 😡 هادشي قلبات عليه لراسها
محمد : نتي شنو كاتقولي ؟ واش راكي بعقلك 😡 فين عمر المظاهر كانت هي كلشي ؟
هشام : لا حول ولا قوة إلا بالله .. كان يحساب لينا معاشرين ناس بعقلهم ساعة مشيت غاالط
بثينة : مالكم كاملين ضرتو فيااا ؟؟ شكون هاد دعاء فملك الله ؟ كلكم خايفين على مشاعرها اوا خلاااااااص .. وهي تشوفها موحمة تسقط 😡😡 يخ على بشااار (خلاتهم واقفين مصدومين منها ومشات فحالها .. وفخاطرها كاتوعد لدعاء بالشر)
أسماء : مازال مامتيقاش 😮 فففف كيف غاتكون حالة دعاء دابا 😢 علااش ا بثينة علاااش
هشام : صافي ا ختي أسماء .. اللي وقع دابا وقع .. خاصك تشوفي دعاء فين كاينة وتهضري معاها وتحاولي تجبري بخاطرها واخا هادشي صعيب
محمد : كون ما جاتني بنت 😡😡
هشام : تهدن ا صاحبي .. شيطان دخل بيناتهم
أسماء : الشيطان هو بنادم 😡 بثينة من اللول ماكاتحملش الشعرة فدعاء .. وديما كاضرب ليها المعاني وأنا كانغطي عليها ومسكينة دعاء بطيبة قلبها وعفويتها ماكاتدي ما كاتجيب ولكن اليوم خرجاتها ليها كووود 😢 غانمشي نقلب عليها .. بسلامة عليكم
محمد : باش ما كان ردي علينا الخبار ا أسماء .. ماتخليناش مهولين عليها
أسماء : واخا ..
أنت تقرأ
الذميمة
Romanceقصة فتاة ينظر إليها المجتمع نظرة دونية بسبب شكلها الذي يعتبرونه قبيحا وأعطوها لقب #ذميمة .. لقب سيكون هو منبع معاناة البطلة في محيطها وفي علاقاتها مع الآخري .. تتعرض للاحتقار والظلم من أقرب الناس
